Iste articlo ye sobre un director de fotografía aragonés; ta o ciclista d'o mesmo nombre, se veiga José María Beltrán.
José María Beltrán Ausejo, naixito de Zaragoza (Comarca de Zaragoza) o 3 de chunio de 1898 y muerto en ixa mesma capital o 22 de chinero de 1962, estió un director de fotografía aragonés, activo en o cine espanyol dende meyatos d'os anyos 1920.
Dimpués que su pai li hese amostrato os secretos d'a fotografía, encomenzó a suya formación artistica en Zaragoza, marchando ta enamplar estudios enta Madrit, a on i conoixió a Florián Rey y a Benito Perojo, estando iste zaguero qui lo introdució en o mundo d'o cine. Dende alavez se convertió en un personache destacato en ixos comienzos d'o cine espanyol, plegando mesmo a treballar bel tiempo en o cine estausunidense mientres os anyos 1930. Mientres a Guerra Civil espanyola colaboró con o Gubierno republicano, estando bella vegata rodando decumentals en o frent, exiliando-se en Archentina en rematar a guerra, a on tenió tamién destacata participación en o cine archentino, no tornando a la peninsula dica os anyos 1950, retirato d'a suya profesión y malauto, poco antis d'a suya muerte.
Vinclos externos José María Beltrán Ausejo en a Gran Enciclopedia Aragonesa. José María Beltrán en IMDb.
Categoría:Directors de fotografía d'Aragón Categoría:Muertos en Zaragoza Categoría:Naixius de Zaragoza Categoría:1898 (naixencias) Categoría:1962 (muertes)