L'idioma portugués (português en portugués) ye una luenga romanica charrada por mas de 200 millons de personas en Portugal, Brasil, Mozambique, Angola, Cabo Verde, Guinea-Bissau, Guinea Ecuatorial, Sant Tomé y Prencipe, Macau y Timor Oriental, entre atros países.
O portugués y o gallego d'a Baixa Edat Meya constituiban una sola luenga romanz conoixida como galaicoportugués.
Lexico
En galaicoportugués bi ha arcaísmos romanicos que no conserva que esta luenga como garuja, derivau de *caluginem, en latín clasico caliginem, "boira escura".
Los chermanismos d'o galaicoportugués incluyen lo primer estrato de chermanismos cheneralizaus por o latín, un estrato de probables suevismos seguiu d'un estrato de goticismos que pueden estar comuns con l'occitán u l'italiano u exclusivament con luengas peninsulars como o castellano.
Son probables suevismos en galaicoportugués: escá (d'o suevo *skala), sá, loivo / lobio, bouro / boiro, laverca y meixengra.
Son probables goticismos en galaicoportugués: casta, espora, estala, estaleiro, fato, ganso, teixugo, luva, roupa, escanção, aleive, fona, enguiçar, íngreme, groba, Rafael Cano Aguilar: Historia de la lengua española. Ariel lingüística. Editorial Ariel. pp 481-483, pp 133-147. y roca. Gerhard Rohlfs: Lengua y cultura. Anotaciones de Manuel Avar. Ediciones Alcalá, 1966, pp 60-61.
Los atros chermanismos medievals han plegau a traviés d'atras luengas romances dende luengas como o francico: loja tiene o mesmo orichen que o francés loge en o chermanico occidental *LAUBJA, igual como loivo / lobio.
Los arabismos d'o portugués pueden estar directos u haber pasau a traviés d'o castellano (cenoura, cenoira, sin f).
Las exploracions portuguesas y a existencia d'un imperio colonial portugués han dau un gran paper a esta luenga fuera d'a peninsula Iberica. Lo portugués ha teniu una gran importancia lexica en a historia d'as luengas romances occidentals (y en cheneral en as luengas occidentals), por a introducción de lexico d'orichen americano, africano, asiatico y oceanico a traviés d'o portugués. Tamién en as luengas d'os países d'Ultramar que entroron en contacto con o portugués bi ha una gran influencia lexica portuguesa, en particular en Chapón d'ixas envueltas d'a dinastía Muromachi (sieglos XVI-XVII). Los chesuítas portugueses d'ixos tiempos son os responsables d'a entrada de muitos lusismos en o chaponés relativos a ideyas cristianas, ciencia occidental, tecnolochía y productos d'a epoca.
Son palabras portuguesas d'orichen arabe tifón y lilas, d'orichen africano subsaharián banana, cachimba y inhame, d'orichen indio bambú, carambola y pagoda, d'orichen chaponés biombo y bonzo, d'orichen chinés cha y charol, y d'orichen malayo cacatua, junco y lancha.
Referencias
Bibliografía Rafael Cano Aguilar: Historia de la lengua española. Ariel lingüística. Editorial Ariel.
*