"Ireland's call" ye una canción composata por Phil Coulter en 1995 por mandaleixo d'a Irish Rugby Football Union (IRFU) (Cumann Rugbaí na hÉireann, en irlandés, Unión Irlandesa de Rugby en aragonés) que se fa servir como himno en os partius de l'equipo irlandés de rugby, que bi arrocla chugadors de tota Irlanda (Irlanda d'o Norte y Republica d'Irlanda). Cuan chuga en Dublín, s'ascuitan os dos himnos: l'Amhrán na bhFiann y l'Ireland's call. Chugando difuera d'a Republica, solo que l'Ireland's call. Tamién fa servir dos banderas: a bandera d'Irlanda cuan chuga en a Republica d'Irlanda, y a d'as cuatro provincias d'Irlanda (d'a Irish Rugby Football Union) cuan chuga difuera d'a Republica. Andrew Strong, cantaire en o film The Commitments, s'encargó de cantar-la en as primeras gravacions.
Tamién os equipos irlandeses de hockey, cricket y A1GP han adoptato ista canción como himno.
I ha unatra versión d'a canción, feita dimpués por o mesmo Phil Coulter ta "Celtic Thunder", grupo dirichito por Phil.
Parolas
Parolas en anglésTraducción en aragonésArriba o dia y arriba a hora Arriba o poder y a gloria Semos venitos ta responder a clamada d'o nuestro país. Dende as cuatro argüellosas provincias d'Irlanda
Irlanda, Irlanda Remanindo-ie a ixena huembro con huembro responderemos a clamada d'o nuestro país
Dende as granizas Glens d'Antrim Dende os escarpatos tozals de Galway Dende as murallas de Limerick Y a bahía de Dublín Dende as cuatro argüellosas provincias d'Irlanda
Irlanda, Irlanda Remanindo-ie a ixena huembro con huembro responderemos a clamada d'o nuestro país
Corazons d'acero Y tozuelos que no s'acochan churando nunca no crebar luitaremos dica que no en podamos mas Por as cuatro argüellosas provincias d'Irlanda.
Irlanda, Irlanda Remanindo-ie a ixena huembro con huembro responderemos a clamada d'o nuestro país
Irlanda! Irlanda! Irlanda ta cutio!
Veyer tamién Amhrán na bhFiann
Vinclos externos Vidio con as parolas de l'Ireland's call Vidio an que se i cantan os dos himnos Vidio an que se i vei l'emplego d'a bandera d'as quatro provincias Vidio de l'Ireland's call cantato por os Celtic Tenors
Categoría:Cancions d'Irlanda Categoría:Cancions en anglés