Fendo camín estió o primer disco feito de raso en aragonés en a historia d'a luenga aragonesa. O suyo autor estió Mario Garcés, un d'os primers cantautors de Uesca.
O disco se gravó en os estudios Trak, de Madrit, mientres octubre de 1983, y arrocla 10 cancions. A primera canción ye a traducción a l'aragonés d'un poema d'o poeta francés Paul Éluard, "Liberté" (Libertat en a grafía de l'Academia de l'Aragonés, Libertá en a grafía de l'anyo 87). Atras 2 son d'o mesmo Mario Garcés. A resta son poemas de 7 poetas en luenga aragonesa -u en bella variedat de l'aragonés- mosicalizatos por Mario Garcés.
En a publicación d'iste disco, bi participoron o cunyo discografico Chiflo, Producciones Discográficas Linacero y o Consello d'a Fabla Aragonesa.
Cancions d'o disco "Libertá", poema de Paul Éluard, traducito a l'aragonés por Francho Nagore. "Naxer cada maitín", poema de Francho Nagore. "Dan as doze", poema de Chusé Mª Guarido Ubiergo. "L'árbol d'a mía carrera", canción de Mario Garcés. "Apara l'oído", poema de Miguel Santolaria. "May", poema d'Ánchel Conte. "Plebeba", poema en chistabín de Nieus Luzía Dueso Lascorz. "Soledá", canción de Mario Garcés. "Paisache", poema d'Eduardo Vicente de Vera. "Pastós y zagalas", poema en cheso de Veremundo Méndez Coarasa.
Veyer tamién Mario Garcés
Vinclos externos O poema d'Ánchel Conte cantato por Mario Garcés Paisache, sobre o poema d'Eduardo Vicente de Vera Apara l'oído, orichinal de Miguel Santolaria
Categoría:Discos de 1983 Categoría:Discos en aragonés