Coturnix (Bonnaterre, 1791) ye un chenero que contiene 9 especiesClements, J. F. 2007. The Clements Checklist of Birds of the World, 6th Edition. Cornell University Press. d'aus galliformes de tamanyo chicorrón, conoixidas en aragonés como cotornices, VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza 2004. . codornices, guallasCon a variant guanlla y guailla u palpalas.
As especies miembros de o chenero Coturnix habitan en o Viello Mundo y Oceanía, incluindo-se Australia y Nueva Zelanda.
Descripción As cotornices son aus chicorronas, d'entre 15 y 25 centimetros de lonchitut corporal, y formas arronchadetas, semellants a una perdiz menudeta. Como as suyas parients as perdices, son mayoritariament terrestres anque son capables ta o volido, que gosa estar pesau y de curtas distancias.
Anque por a especie mas frecuent en Aragón, Coturnix coturnix, se gosa tener a imáchen de que as cotornices tienen una coloración creptica, marrón con piquetas negras, en realidat i ha especies en atras latituz que arriban a tener colors muit vitariscas y vistosas.
Hábitat
En Europa, as cotornices son especies propias d'espacios ubiertos, y refusan internar-se en a selva u en os matullars, a on que podrían trobar-ie obstaclos ta enchegar-se a volar si les calese. S'estiman mas os praus y as uebras, a on que i troban simients y insectos que constituyen a suya dieta, y puestos en os que a hierba altera oculte os suyos niedos de a vista d'os depredadors.
Especies
As 9 especies descritas de Coturnix son:
Coturnix japonica Coturnix coturnix Coturnix delegorguei Coturnix coromandelica Coturnix pectoralis Coturnix novaezelandiae † Coturnix ypsilophora Coturnix chinensis Coturnix adansonii
Imáchens
Zoonimia
O lexicografo y naturalista Rafel Vidaller documenta a parola «cotorniz», en o suyo libro O Libro de As Matas y Os Animals, en as localidaz de a Espunya, Boltanya y Chistén, todas tres en Sobrarbe. A forma codorniz a documenta en as Corz en a Fueva, y en Tramacastiella de Tena en a val de Tena.
O nombre de gualla (y bellas variants, como «guanlla» y «guatlla») se documentan en l'aria enterament oriental, mas que mas en nuclios de Ribagorza. Asinas, Vidaller la recopila en Esdolomada, Benás, Erisué, Chía, Llire, en Saúnc, en Torres, en Castanesa y en Graus. O doctor Francisco Salamero, lexicografo aficcionau de Ribagorza baixa, tamién documenta gualla en a val d'o Sarrón, en a zona lingüisticament peculiar de Torres y Chuseu. SALAMERO REYMUNDO, Francisco, Léxico peculiar de Torres del Obispo (Ribagorza); Semejanzas y diferencias con el castellano y el catalán; Institución Fernando el Católico. Zaragoza, 1991. Presenta formas pareixidas en catalán (guatlla), y en francés (caille), y ye una parola d'orichen francico.
Se veiga tamién
Perdiz Perdigacho Perdigana Galliformes Gallineta ciega Lagopus
Notas
Referencias
Vinclos externos
Categoría:Phasianidae Categoría:Cheneros d'aus