GEN u Los GEN ye un grupo de rock alternativo y autochestionau, cual musica éls mesmos claman Rock de serie B.
O grupo naixió en 1997 en a ciudat de Zaragoza y mientres toz istos anyos de trachectoria han editau cuatre discos y tanyiu en una ripa de conciertos por tot Aragón, y difuera d'él.
Historia En l'anyo 1997 un d'os actuals guitarras d'o grupo, Nacho, como consecuencia d'a suya inquietut por fer un grupo de punk rock, arrocla a bels chóvens musicos baixo lo nombre de GEN. O primer concierto d'ista primera formación sería bels meses dimpués, con tasament cinco cancions, chunto a los grupos Komando Echabarriga y Retroceso, en un concierto que a policía acotolaría antes de no rematar.
Pero no estió ixe o solo problema con a policía. En quitar o suyo primer disco Vuelva usted mañana (1999) a Policía Nacional saca un d'os cartels que heban penchau por bars y botigas d'a ciudat anunciando a venda d'o disco, acusando-los d'inchurias a la Corona. O chuez Baltasar Garzón, instructor d'o caso, remató archivando-lo sin mas consecuencias ta o grupo.
En o verano de l'anyo 2000 bels problemas internos fan que GEN s'ature y en chenero de 2001, a mans de Raúl y Nacho, naixca un atro prochecto musical clamau Acople, con una formación de nomás guitarra, baixo y bateria.
Con o suyo tercer treballo Dios explota (2005), en o que colabora Enrique "El Drogas" (Barricada) con voces en La humillación ajena, son nominaus a os Premios d'a Musica Aragonesa en as modalidaz de millor canción La humillación Ajena y millor maqueta Dios Explota. En 2007 tornan a estar-ie nominaus, ista vegada ta la categoría de millor canción en luenga minoritaria por La darrera bala, gravada en catalán ta o CD Sons del Matarranya.
Han tanyiu en un burguil de conciertos y festivals, compartindo-ie escenario con atros grupos como Los Suaves, Los Porretas, Reincidentes, La Polla, Kalean, Prau, Visión Túnel, Picore, Mallacán, Los Draps, Barón Rojo, Lendakaris Muertos, Berri Txarrak y asinas asinas.
Discografía Vuelva usted mañana (1999). Helarte de cagarte (2003). Dios explota (2005). La guerra es la paz... (2009). Del caos al cosmos (2015).
Vidios Desconcierto para ellos, 2001 De viaje, 2009
Vinclos externos Blog oficial Gen en Myspace Gen en Magofermin
Categoría:Grupos de musica rock Categoría:Grupos de musica d'Aragón Categoría:Grupos de musica en castellano