O can de ponto ( (Linné 1758)) ye una especie de radedors d'a familia d'os Castoridae, a sola especie euroasiatica d'o chenero. Ya en a Edat Meya heba desapareixiu d'Aragón pero encara se'n troba eixemplars en a compleganza d'o Roine en Occitania y Arpitania.

O can de ponto apareixe en o Pleistoceno inferior, estando-ne os restos mes antigos en os Pireneus d'a glaciación de Mindel, continando present en o Riss y en o Würm. A zaguers d'o Würm y en part de l'Holoceno ye cuan mes abundant ha estau en os Pireneus, en as dos versants. Plinio o Viello y Estrabón parlan de l'abundancia d'o can de ponto en Hispania, y de feito se n'han trobau restas de can de ponto en o chacimiento romano de Bilbilis (Calatayú). O zaguer can de ponto peninsular conoixiu ye de periodo romano tardano y ye de Sant Pere de Gavà en a desembocadura d'o Llobregat.

Os cans de ponto d'Europa Occidental estioron a cantos d'extinguir-se en os sieglos XIX y XX por un caza abusiva, y os zaguers que quedaban yeran en o sud de Noruega y en as compleganzas de l'Elba y o Roine. As mesuras de protección tenioron efecto y dende ixos reductos s'ha puesto reintroducir en atros puestos.

Zoonimia En o sieglo XV son denominaus vebres en os peaches de Zaragoza y Monzón. En atros textos medievals como "Letra intimada" dicen vibre. O zoonimo vebre, vibre ye una palabra d'orichen celta con paralelo en o francés bièvre.

Manimenos en a traducción aragonesa d'o "Libro d'el Trasoro" dicen castor, que ye como en os peaches de Zaragoza y Daroca denominan a la secreción d'as glandulas odoriferas de l'animal y que se feban servir como perfumes y medecinas.

Presencia en Aragón En Espanya fue introduciu en o río Ebro con a suelta de 18 eixemplars en 2003,Ceña, J.C., Alfaro, I., Ceña, A., Itoitz, U., Berasategui, G. & Bidegain, I. 2004. Castor europeo en Navarra y La Rioja. Galemys. dende alavez presenta una rapida expansión y esta present en muitos rios d'a cuenca de l'Ebro, lo Galligo, lo Cinca, lo Xalón, lo Martín, lo Arba y en a cabecera d'a Onsella.Los castores siguen con su expansión y se asientan ya en pleno centro de Zaragoza.

Referencias

Fiber Categoría:Mamiferos introducius en Aragón Categoría:Taxons nombraus por Carl Linnaeus