Iste articlo ye sobre a variedat fibrosa d'o silice dita calcedonia. Pa a ciudat historica situata en a Rechión de Bitinia se veiga Calcedonia.
A calcedonia ye a variedat fibrosa d'o silice. Ye constituita por fibras de cuarz con largaria que varía dende decenas a cientos de micras. Por un regular se disposan de traza radiata, chenerando estructuras esferuliticas, en falca, ventallo u mamelonars. A mayoría d'a calcedonia ye d'a variant calcedonita, formas minoritarias son a cuarcina u a lutecita.
A calcedonita presenta fibras elongatas en a dirección de l'eixe de menor index de refracción d'o cuarz (variedat luengo-rapido);
A cuarcina, u a lutecita, son también frecuents, y presentan una disposición de fibras subparalelas a l'eixe d'index de refracción mes gran d'o cuarz, u como muito, en o caso d'a lutecita formando-ie un anglo de baixo grau (variedat luengo-lento).
A importancia d'as variedaz con elongación positiva (luengo-lento) ye que son as que s'asocian a las evaporitas. En presencia de sulfatos en o medio, o silice que precipita lo fa con a morfolochía fibrosa largo-lento, mientres que en ausencia de sulfatos precipita siempre en forma de calcedonita. Por ixo a existencia de cuarcina u lutecita en una roca será un indicio fiable d'a presencia previa de sulfatos, encara que n'haigan desapareixito de tot.
A calcedonia que se presenta en bandas curvas u angulosas de diferents colors ye l'agata.
Se veiga tamién Cuarz. Agata. Gazpe. Opalo. Pedrenya.
Referencias
Vinclos externos
Categoría:Cuarz