thumb|250px|Distribución d'as luengas eslavas.
As luengas eslavas son un grupo de luengas indoeuropeas que se parlan en Europa Oriental y Centro-Oriental, incluyindo gran part d'os Balcans dica zonas prou meridionals. Como efecto d'a colonización europea tamién se parlan en Siberia, Asia Central y en zonas puntuals d'atros continents.
Fonetica A K inicial indoeuropea evoluciona a s-, estando as luengas eslavas luengas satem, d'esta traza "corazón" se diz sertse, "cient" se diz sto, etcetera.
Clasificación A clasificación tradicional d'as luengas eslavas estableixe tres grupos: central, meridional y oriental, despartius por a discontinuidat important que representa a zona a on se parla o hongaro y o rumano. Manimenos esta clasificación se fació en base a los caracters d'as luengas estándard, caracters no siempre presents en toz os dialectos y parlas representaus por ixos estándards. Por eixemplo en ciertos aspectos d'as luengas eslavas meridionals se veye una afinidat entre o esloveno y o croata con o checo d'una man y entre o macedonyo y o bulgaro con o ucrainés por l'atra. Tamién o reconoiximiento de luenga por part de ciertos sistemas lingüisticos eslaus puet estar subchecto a interpretacions influitas por nacionalismos de sentius contrarios, por o que se fa enfasi en diferencias poco importants pa despartir, u lis dan poca importancia pa asimilar. Entre as luengas eslavas abundan as parlas de transición igual como en as luengas neolatinas y as luengas turquicas a causa d'una deseparación recient, unas mugas cambiants y procesos migratorios interiors.
As luengas eslavas reconoixidas son:
Grupo oriental: Belarruso Ruso Ucrainés Grupo occidental Subgrupo checo-eslovaco: Checo Eslovaco Subgrupo lequitico: Caixubo Eslovincio, Polabo Polaco Pomerán Subgrupo sorabo: Sorabo alto Sorabo baixo Grupo meridional Subgrupo occidental: Esloveno, con a suya variant prou diverchent o Prekmurián. Continuum serbocroata: (que recibe diversas denominacions seguntes o país). idioma serbio, idioma croata, idioma bosnio, idioma montenegrín. Subgrupo oriental: Eslau eclesiastico antigo Eslau eclesiastico moderno Bulgaro Macedonyo
Bel lingüistas especula que tamién existió un grupo septentrional. O dialecto antigo d'o ruso d'a ciudat Novogorod ye fácil que tienga bella traza d'ixe grupo desapareixiu.
Un eixemplo d'una luenga paneslava planificada ye l'intereslau.
Vinclos externos Luengas eslavas
Categoría:Luengas eslavas