A chinetaCon a variant cheneta u martolina (, Linné, 1758)) ye una especie de mamifero d'a orden d'os Carnivora y d'a familia Viverridae que se distribuye por buena part d'Africa y en part d'a peninsula arabica, considerando-se introduciu en a peninsula iberica, resta d'Europa sudoccidental y Balears. Antesmás consideraban adintro d'a especie Genetta Genetta només que as poblacions autoctonas de Berbería y as introducidas en Europa y Balears, pero actualment bi ha tendencia a considerar adintro d'una sola especie tamién as poblacions subsaharianas d'especies de chinetas que antes consideraban d'atras especies Oscar Arribas: Fauna y paisaje en los Pirineos en la Era Glaciar. Lynx Ediciones. y d'Arabia. As 30 subspecies descritas no tienen una valideza segura.
Zoonimia En aragonés o zoonimo predominant pa esta especie ye cheneta u chineta, d'alcuerdo con a fonetica aragonesa y as que cabrían esperar en comparanza a las luengas vicinas. En a "Gran Enciclopedia Aragonesa" mencionan a forma tremostela propia de l'aragonés grausín, pero ye una probable error porque Rafael Vidaller Tricas troba tremostela y tremustela como denominacions d'a paniquesa Mustela nivalis en aragonés baixorribagorzano, y tremostela se relaciona etimolochicament con a traza de dicir "paniquesa" en latín, catalán y parlas aragonesas mugants con o catalán.
Orichen d'as poblacions introducidas en Europa Existe a creyencia que fue introducida dende Africa en o periodo d'Al-Andalus (Edat Meya musulmana), por os arabes y berbers, dende on s'ixemenaría dica as compleganzas d'o Roine y a Loira. Manimenos bi ha habito un trafico maritimo intenso dende muito antes como pa considerar a introducción muito anterior. En o chacimiento arqueolochico de La Grotte de Las Morts (Montsegur) han trobato una mandibula de chineta calendata en a Edat de Bronce. Os romanos teneban chinetas como mascotas en as suyas casas antes que os gatos domesticos fuesen introducius dende Echipto. Ye posible que fuese introducida en as Islas Balears en tiempos d'os romanos, bi ha constancia que en tiempos de César Augusto fue introduciu un misterioso animal dito ictis pa combatir una plaga de conillos.
Bibliografía Oscar Arribas. Fauna y paisaje en los Pirineos en la Era Glaciar. Lynx Ediciones.
Vinclos externos
Notas
Referencias
Genetta Categoría:Mamiferos introducius en Aragón Categoría:Fauna d'Alcheria Categoría:Fauna d'Angola Categoría:Fauna d'Arabia Saudita Categoría:Mamiferos d'Aragón Categoría:Fauna de Botsuana Categoría:Fauna de Burkina Faso Categoría:Fauna de Camerún Categoría:Fauna de Chad Categoría:Fauna de Costa de Boire Categoría:Fauna d'Eritrea Categoría:Fauna d'Etiopia Categoría:Fauna de Francia Categoría:Fauna de Kenya Categoría:Fauna de Libia Categoría:Fauna de Mauritania Categoría:Fauna de Marruecos Categoría:Fauna de Mozambique Categoría:Fauna de Namibia Categoría:Fauna de Nícher Categoría:Fauna de Nicheria Categoría:Fauna d'a Republica Centroafricana Categoría:Fauna de Senegal Categoría:Fauna de Somalia Categoría:Fauna de Sudafrica Categoría:Fauna de Sudán Categoría:Fauna de Sudán d'o Sud Categoría:Fauna de Tanzania Categoría:Fauna de Tunicia Categoría:Fauna d'Uganda Categoría:Fauna de Yemen Categoría:Fauna de Zambia Categoría:Fauna de Zimbabwe Categoría:Taxons nombraus por Carl Linnaeus