O chagatai estió una luenga turquica que se parlaba en Asia Central en a Edat Meya y se convertió en a primera luenga literaria d'a familia turquica. Tenió muita importancia en tiempos de Tamerlán y estió tamién a luenga d'a clase dirichent en l'Imperio Mogol d'A India. Ye una luenga relacionata con os stándards actuals uigur y uzbeko.
Denominación A denominación de chagatai ye por parlar-se y escribir-se en o Khanato Chagatai, estato que naixió en Asia Central como evolución de l'herencio de Chagatai Khan, fillo de Chinguis Khan.
Historia Encara que tienga a denominación de chagatai, a luenga chagatai existiba ya enantes d'o Khanato Chagatai y Chagatai Khan. Lo suyo orichen estió cuan arredol de l'anyo 1000 cuan muitos turquicos de Transoxiana y Caixgar s'islamizoron y se creyó una nueva luenga literaria escrita en alfabeto arabe y con contenitos musulmans. Dica fins d'o sieglo XVI estió a gran luenga literaria turquica y a luenga que prenioron muitos habitants d'Asia Central en a Edat Meya.
Estió a luenga literaria d'os pueblos turquicos d'Asia Central u Turquestén dica as reformas lingüisticas que se facioron en o periodo sovietico, que conducioron a la creyación de diferents stándards lingüisticos pa as diferents etnias y/u nacions turquicas (uzbeko, cazaco, turkmenio, atcetera). Os uzbekos consideran a l'idioma chagatai como idioma uzbeko y a la literatura chagatai como part d'a suya literatura.
Categoría:Luengas turquicas Categoría:Luengas muertas d'Asia