O Cantar de Roldán (La Chanson de Roland, en francés, La canson de Rotllan, en occitan) ye un poema epico de cuantos cientos de versos, escrito a fins d'o sieglo XI en francés antigo y partes en occitan, atribuito a un monche normando, Turoldo, (y otros) que o suyo nombre amaneixe en o zaguer y enigmatico verso: «Ci falt a geste que Turoldus declinet». Manimenos, no queda claro o significau d'o verbo «declinar» en iste verso: puede querer dicir 'composar' u talment 'transcribir', 'copiar'. Ye talment o cantar de chesta mas antigo escrito en luenga romance en Europa. O texto d'o clamau Manuscrito d'Oxford escrito en anglo-normando (d'arredol de 1170) tiene 4.002 versos decasilabos, distribuitos en 291 estrofas de desigual longaria ditas laisses en francés.
Personaches Os personaches mas importants son fuertement caracterizatos: Carlos Magno, viello sabio y paternal. Roldán, de gran valor pero imprudent. Olivier, o chudicioso. Turpín l'arcebispe, que muere bendicindo a os suyos companyers d'armas dimpués d'haber luitau como éls. Ganelón, l'invidioso, hipocrita y traidor.
Relevancia literaria Iste poema tenió amplia repercusión en todas as literaturas d'Europa; estió fuent d'inspiración d'atros cantars de chesta d'o momento.
Veyer tamién Batalla de Roncesvals
Categoría:Ciclo carolinchio Categoría:Epopeyas