La val de Chistau ye una val situada en el Pireneu aragonés, en la comarca de Sobrarbe. S'estendilla por la ribera alta de la Cinqueta. A l'ueste, el puerto de la Cruz de Guardia comunica la val con Bielsa y a'l norte ye comunicada con Francia por os puertos de Plan y de la Pez. El puerto de Sagún, a 2.000 m d'altaria, leva enta la val de Benás por l'este.
La val ye rodiada d'alteras tucas de 2.000 y 3.000 m con muitos ibons como es d'es Millars, Barbaricia y la Basa de la Mora u de Plan.
Flora L'anvista de la val ye formada por praus naturals y artificials en la parti baixa, dica os 1.500 m. I hai muitas selvas de pinos y tamién bel fabar y bella selva d'abetoches. En as partis altas se troba o tascal alpín.
Población thumb|left|250px|L'ibón de Plan. La val de Chistau ye formada por tres municipios: Plan, Sant Chuan y Chistén, en total i hai 663 habitants. Atros lugars de la val son Sin, Senyes, Serveto y Saravillo, que fan parte de la Comuna, una chicota val lateral.
A mayor parti de la población s'adedica a la ganadería, l'agricultura u a la explotación forestal.
En ista val se charra un dialecto de l'aragonés dito igual que es suyos habitadors, el chistabín.
Referencias
Chistau Chistau Categoría:Cheografía de Sobrarbe Chistau