A tarta Esterházy (en hongaro Eszterházi torta y en alemán Esterházy-Torte) ye o nombre d'un pastel d'almendra y chicolate tipico d'a gastronomía d'Austria y Hongría. Debe o suyo nombre a o Conte Pál Antal Esterházy (1776-1866), un miembro d'a familia d'a nobleza hongara Esterházy y ministro d'Exteriors de l'Imperio Austrohongaro.
A tarta ye feita con una masa a base de claras de uevo a punto de nieu, almendras rallatas, zucre, manteca y farina. Con dita masa se forman cinco capas circulars d'a mesma gordaria. S'apuyalan as capas una dencima d'otra, deseparatas por un tipo de crema pastelera. En iste punto, se le da a o pastel un glaseyato con una mezcla de claras de uevo, zucre y augua. Ta rematar, se dibuixa sobre o glaseato, con filos de chicolate negro, un disenyo caracteristico que remera una tiraraina y se chitan por dencima fruitos secos picatos (como os d'o chelato crocanti).
Bi ha cuantas variants d'a tarta Esterházy: por eixemplo, con cuatre capas en cuentas de cinco, con replenata con cuantos ingredients u con una base de galleta. A tarta ye especialment popular en Hongría y Austria, pero no ye raro trobar-la en Alemanya. Existen tamién porcions de tarta Esterházy d'una grandaria especial ta minchar como postre u acompanyar o café.
Se veiga tamién A torta Dobos, una torta hungara por capas.
Vinclos externos Receta d'a torta Esterházy - Torta Esterházy hungara en About.com
Categoría:Postres d'Austria Categoría:Postres d'Hongría Esterhazy