Sir David Charles Baulcombe, naixito de Solihull (Midlands de l'Ueste, Anglaterra) o 4 de chulio de 1952, ye un destacato botanico y chenetista britanico, con cuantos premios recebitos mientres a suya carrera cientifica. Formato en a Universidat de Leeds y en a Universidat d'Edimburgo, y dimpués d'enamplar estudios en a Universidat McGill de Canadá y en a Universidat de Cheorchia en Estaus Unius, ha eixerciu como profesor universitario en a Universidat d'Anglia de l'Este y en a Universidat de Cambridge. Ye conoixito en estar o descubridor de l'ARN d'interferencia menudo en o Sainsbury Laboratory de Norwich, encara que ye autor d'atros descubrimientos d'intrés ta la Ciencia, mas que mas en relación con os virus en o campo d'a Chenetica.
Vinclos externos Biografía de David Baulcombe en a pachina d'os premios 2002 d'a Sociedat Americana de Fitopatolochía.
Categoría:Botanicos d'o Reino Uniu Categoría:Chenetistas d'o Reino Uniu Categoría:Naixius de Midlands de l'Ueste Categoría:Profesors universitarios d'o Reino Uniu Categoría:1952 (naixencias)