A seu de Sant Istevan (en alemán Domkirche St Stephan, abreviato popularment como Stephansdom) ye a ilesia prencipal de l'archidiocesi de Viena (Austria) y a seu d'o suyo arzobispato, estando adedicada a Sant Istevan. Se troba en a Stephansplatz, en o centro d'a capital austriaca. A obra fue encetata por Rodolfo IV d'Austria y se debantó dencima d'as enronas de dos ilesias anteriors, a primera d'ellas una parroquia consagrata en 1147. L'edificio experimentó tamién cuantas reformes y ampliacions a o largo d'a suya historia, seguindo diferents estilos artisticos. Ye o simbolo relichioso mas important de Viena y ha estato testimonio d'a-saber-los escaicimientos d'a historia d'Austria.
En l'exterior de l'edificio se pueden veyer o tellato, as dos torres campanar, a sud y a norte y as portaladas de dentrada a o templo: a d'os Cantors, a d'as Torres, a d'o Bispe y a Chigant. A campana Pummerín ye una versión reconstruita d'a primitiva, que fue danyata por un incendio.
L'interior d'a seu consta de tres naus y a-saber-los altars, en cada un d'éls bi ha una variata cantidat d'obchectos y obras d'arte que han ito plegando a traviés de donacions de diferents personalidaz. Como en tot templo, d'antis mas s'apedecaba a chen baixo tierra, por o que se troban os sepulcres de cuantos nobles d'o país.
Vinclos externos
Pachina oficial d'a Seu de Sant Istevan.
Istevan de Viena Istevan Viena Istevan de Viena Istevan de Viena Categoría:Ilesias parroquials de l'archidiocesi de Viena