A seu basilica de Sant Istevan (en hongaro: Szent István-bazilika) ye un edificio relichioso de culto catolico, baixo o patrocinio de Sant Istevan I d'Hongría, situata en a ciudad de Budapest, capital d'Hongría.

A basilica de Sant Istevan ye a seu de Budapest y tal como diz o suyo nombre, en 1931 o Papa Pío XI le atorgó o títol de "basilica menor".

Arquitectura 200px|left|thumb|Cupula, obra de Lotz Károly Chunto con o Parlamento de Budapest, son os dos edificios mas altos d'a ciudat de Budapest (con 96 m), amás d' edificio relichioso mas gran d'o país, con capacidat ta 8.500 personas.

Prencipió a construyir-se en l'anyo 1851, rematando-se 54 anyos dimpués, debito a que s'habió d'espaldar a cupula en 1868, en l'anyo 1905 y se consagró ixe mesmo anyo.

Por debaixo d'o granizo edificio, a frontera d'o cual mira enta l'amanato río Danubio, s'habioron de construyir unos alacez de tres nivels, cuasi tan grans como a propia ilesia.

Construyito en estilo neoclásico con planta de cruz griega, de 87 m de largo por 55 m d'amplo. A frontera prencipal remata con dos torres chemelas a modo de campanars, en a suya torre dreita se troba a campana mas pesada (con nueu toneladas de peso) y grane d'Hongría, l'anterior, de 8 toneladas, fue fundita mientres a Segunda Guerra Mundial.

Dende a cupula se veyen unas impresionants anvistas panoramicas de Budapest, s'accede enta o mas alto por ascensors u por 364 escalons.

En a capilla situata dezaga d'o santuario, s'alza a reliquia mas important d'a cristiandat hongara: a diestra momificata d'o rei Istevan I d'Hongría, primer rei d'Hongría y fundador d'a ilesia d'Hongría. D'entre as obras d'arte d'a ilesia cal nombrar as estatuas d'Alajos Stróbl y a pintura de Gyula Benczúr: Sant Istevan pide a protección d'a Virchen ta o país.

Vinclos externos

Pachina oficial d'a Basilica de Sant Istevan Coro d'a Basilica de Sant Istevan Visita virtual 3D d'a Basilica de Sant Istevan Vista interior d'a Basilica de Sant Istevan

Istevan de Budapest Istevan de Budapest Budapest Categoría:Ilesias neoclasicas d'Hongría Istevan de Budapest