A ilesia de Matías (en hongaro Mátyás-templom) u oficialment ilesia de Nuestra Sinyora (en hongaro Nagyboldogasszony-templom) ye una ilesia situata en a ciudat de Budapest, Hongría, en o centro d'o districto d'o Castiello de Buda. Seguntes diz a tradición, fue construyita orichinalment en estilo romanico en 1015. L'actual edificio se construyo en estilo gotico tardano d'a segunda metat d'o sieglo XIV y fue esviellata prou en zaguerías d'o sieglo XIX. Yera a segunda ilesia medieval mas gran de Buda y a setena ilesia mas gran d'o reino medieval d'Hongría.
Historía thumb|250px|left|Interior d'a ilesia Oficialment se diz "Ilesia de Nuestra Sinyora", encara que dende siempre ha estato nombrata popularment en honor d'o rei Matías, qui ordenó a transformación d'a suya torre sud orichinal. A ilesia ha estato escenario de cuantas coronacions, incluyindo a d'o rei Carlos IV en 1916 (o zaguer rei Habsburgo). Ye tamién o pusto a on o rei Matías se casó dos vegadas (a primera con Catarina de Poděbrady y, dimpués d'a muerte d'ista, con Beatriz de Nápols). Mientres o sieglo y meyo d'ocupación otomana, a gran mayoría d'os tresoros eclesiasticos d'ista ilesia se'n portioron ta Pressburg (actual Bratislava) y dimpués d'a presa de Buda en 1541 a ilesia se convirtió en a mesquita prencipal d'a ciudat. Osfrescos que d'antis mas adornaban as parez de l'edificio se quitoron en ista epoca.
Dimpués d'a expulsión d'os turcos otomans en 1686 se miró de reconstruir a ilesia en estilo barroco, encara que os documentos historico amuestran que a obra estió un fracaso. No estió dica o gran boom de l'arquitectura de zaguerías d'o sieglo XIX cuan l'edificio recuperó o suyo explendor. L'arquitecto responsable d'ista obra estió Frigyes Schulek.
A ilesia s'esvielló seguntes o plano orichinal d'o sieglo XIII, encara que tamién se deixoron cuantos elementos orichinals d'o periodo gotico temprano. Con l'adicción de bels nuevos motivos creyatos por él mesmo (como o patrón en forma de diamant d'as tellas u as gargolas fendo espirals) Schulek consiguió que a obra, una vegata que fue rematata, fuese prou controvertita. http://www.szakinfo.hu
Actualment ye seu d'o "Museu d'Arte Eclesiastico" que prencipia en a cripta medieval y remata en a capiella de Sant Esteban. A galería contiene un numero important de reliquias sagratas y tallas medievals en piedra, asinas como replicas d'a corona reyal hongara y as choyas d'a coronación. Church of Our Lady-Matyas-templom, Budapest
Referencias
Vinclos externos
Sant Esteban