O banyos Széchenyi (en hongaro Széchenyi-gyógyfürdő, /seːtʃeːɲi/) son un banyos d'a ciudat de Budapest (Hongría), que forman o mayor balneario medicinal d'Europa. L'augua d'os banyos proviene de dos manantials que salen d'a tierra a una temperatura de 74 °C y 77 °C, respectivament. O nombre d'os banyos ye en honor d'István Széchenyi.
Os components d'as suyas auguas termals incluyen sulfatos, calcio, magnesio, bicarbonatos y una cantidat significativa de flúor y acido metaborico. Istas auguas son indicadas medicament ta las malautías dechenerativas d'as articulacions, as inflamacions cronicas y subagudas d'as articulacions, asinas como post-tractamientos ortopedicos y traumatolochicos. Baths in Budapest - a guide for students. Budapest Corner.
== Historia left|250px|thumb|O balneario dende l'aire. Os banyos se troban en o parque d'a ciudat, y fuoron disenyaus por l'arquitecto hongaro Győző Czigler y construyius en 1913 en estilo neobarroco. Széchenyi Bath A construcción d'o balneario prencipió o 7 de mayo de 1909. Os banyos ubrioron as suyas puertas o 16 de chunio de 1913. A construcción d'a piscina costó alto u baixo 3,9 millons de korona hongaras. L'aria total construyida estió de 6.220 metros cuadraus y o total de vesitants en 1913 brincaba d'os 200.000, estando ya ista cifra de 890.507 en 1919. Por ixas envueltas bi heba banyos privaus y publicos, en os dos casos deseparaus ta hombres y mullers. O complexo s'enampló en 1927 dica las actuals 3 piscinas exteriors y 15 interiors. Dimpués d'estar enamplau, o pozo artesiano orichinal ya no adubiba a capacidat d'o balneario, por o que s'habió de picar ta buscar uno nuevo. O segundo manantial se trobó en 1938. A fondaria d'iste manantial ye de 1.256 m, a temperatura d'as suyas auguas ye de 77 °C y son 6.000.000 os litros d'augua calient que i salen toz os días. Entre 1999 y 2009 o balneario Széchenyi s'esvielló de raso.
Información útil As tovallas no s'incluyen en o pre d'a dentrada. Si se quiere ye posible logar u mercar tovallas y banyadors en o balneario. Os cabos de semana y periodos de vacanzas o pre d'a dentrada ye una mica mas gran que os días laborables. Bel component d'as auguas termals no ye recomendable ta mullers prenyadas ni ninos.
Pres En febrero de 2012 os pres variaban entre 3.400 y 3.950 HUF. No bi ha descuentos ta ninos ni ta chubilaus por o que o pre ye estándard. Os masaches no son incluyius en a dentrada, por o que bi ha que bosar un extra de 4.000 HUF (masache basico). Se puet mercar un ticket de visitant (15 minutos de vesita guiada) por 1.550 HUF.
Referencias
Categoría:Balnearios d'Hongría Categoría:Molimentos de Budapest