Os banyos Gellért (en hongaro Gellért fürdő) son uns banyos d'a ciudat de Budapest que fan parti d'o famoso Hotel Gellért situato en o districto de Buda.
Historia O balneario fue construyito entre os anyos 1912 y 1918 en estilo Art Nouveau (Secesión de Viena). Fuoron danyatos mientres a Segunda Guerra Mundial, pero se tornoron a reconstruyir. Existen referencias a auguas termals en iste puesto dende o sieglo XIII. Mientres a Edat Meya bi heba un hospital en ista mesma localización y ya en o periodo d'ocupación otomana, existiban uns banyos en iste puesto.
L'"augua machica curativa" que saliba d'ista fuent yera emplegata por os turcos en os sieglos XVI y XVII. D'antis mas istos banyos se conoixeban tamién con o nombre de Sárosfürdő (literalment os "banyos de bardo"), ya que o bardo que bi heba en as auguas gosaba acumular-se en o fundo d'as piscinas.
Piscinas y tractamientos thumb|250px|left|Hotel Gellért O complexo d'os banyos Gellért incluye banyos termals, formatos por chicotas piscinas d'augua mineral procedent d'as fuents d'o tozal Gellért. Ditas auguas contienen calcio, magnesio, hidrocarbonatos, alcalís, cloruros, sulfatos y fluoruros. Entre as indications medicas d'as auguas s'incluyen a cura de malautías dechenerativas d'as articulacions, problemas d'esquena, inflamacions cronica y sub-agudas d'as articulacions, problemas d'as vertebras discals, neuralchia, malautías circulatorias y vasoconstrictoras y problemas respiratorios como l'asma u a bronquitis cronicas. Baths in Budapest - guidelines for students. Budapest Corner Bi ha dos menas diferents de banyos termals, seguntes os cartels penchatos d'as parez d'o balneario, un con alto u baixo 36 °C y l'atro con bels 38 °C de temperatura.
O balneario Gellért ye famoso por a suya sala prencipal con o tellato de cristal, construyito en estilo Art-Nouveau. Os banyos son decoratos con politos mosaicos de ceramica. L'actual complexo balneario y l'hotel s'ubrioron en l'anyo 1918 y s'enamploron en 1927 y 1934 con una piscina d'olas artificials y un banyo de bombollas.
O complexo incluye tamién saunas y piscinas con saltos d'augua (dividitas por cheneros), una piscina a l'aire libre, en a que se fan olas artificials cada 30 minutos y una piscina de bombollas. Tamién se troban en l'interior d'o complexo una sauna finlandesa con piscina d'augua freda y una piscina ta ninos.
A piscina d'augua calient ye mixta, pero as seccions de tractamientos termals (saunas u masaches) son deseparatas por cheneros. Toz os domingos son o día familiar y alavez todas as seccions son mixtas.
Os banyos Gellért ofreixen tamién una gran variedat de servicios medicos. As tovallas y os banyadors se pueden logar u mercar en o balneario. En cabos de semana y periodos de vacanzas os pres pueden estar mayor que en os días laborables. En febrero de 2012, os pres yeran entre 4100 y 4600 HUF. Os masaches se fan con un pre extra de 4200 HUF (masache basico).
Cintas Os banyos Gellért han estato escenario de cuantas cintas, entre ellas: Accumulator 1 (1994) dirichita por Jan Sverák Cremaster 5 (1997) parti de The Cremaster Cycle dirichita por Matthew Barney Viz (1999) una cinta porno softcore gay producita por Layne Derrick
Referencias
Vinclos externos Budapest Spas and Hot Springs entry on Gellért Baths Danubius Hotels Gellért Baths site Online entrance and massage tickets Gellért Bath virtual tour and information
Categoría:Balnearios d'Hongría Categoría:Molimentos de Budapest