A Hundertwasserhaus ye un bloque d'apartamentos d'a ciudat de Viena, en Austria, construyiu partindo d'una ideya y concepto de l'artista austriaco Friedensreich Hundertwasser con l'arquitecto Joseph Krawina como co-autor. Iste molimento expresionista de Viena ye situau en o districto de Landstraße en a esquina entre as carreras Kegelgasse y Löwengasse.
Hundertwasser y l'arquitectura Friedensreich Hundertwasser prencipió como pintor. Dende primerías d'os anyos 1950, manimenos, prencipió a enfocar a suya actividat artistica enta l'arquitectura, a escritura y a lectura de manifiestos y asayos controvertius en publico (por eixemplo en 1958 un Manifiesto floreixiu tractando formas naturals de descomposición) En 1972, fació los primers decoraus ta lo programa de televisión Wünsch dir was, en os que tractó de contrimostrar as suyas ideyas sobre tellaus fusionaus con o suyo entorno natural, "árbols huespedes" que s'integran con l'edificio y lo "dreito de finestra" a on cada propietario puet trigar a forma de decorar a frontera arredol d'a suya finestra. En istos modelos Hundertwasser tamién desembolicó nuevas formas d'arquitectura, como a casa "ranura de uello" u la casa "alto tozal" Hundertwasser Architecture, For a More Humane Architecture in Harmony with Nature, Colonia. Taschen, 2007, p. 70.
En presentacions en universidaz y antis en asociations d'arquitectura, Hundertwasser exposó las suyas opinions arredol de l'arquitectura en harmonía entre la naturaleza y l'hombre. En una carta escrita lo 30 de noviembre de 1977 a l'alcalde de Viena, Leopold Gratz, l'alavez canciller federal, Bruno Kreisky, suchirió que habría que permitir a Hundertwasser realizar as suyas ideyas en o campo de l'arquitectura permitiendo-le construyir un prochecto de casa, dimpues de que Leopold Gratz, en una carta d'o 15 d'aviento de 1977, invitó a Hundertwasser a creyar un edificio d'apartamentos d'alcuerdo a istas ideyas. As dos cartas apareixen publicadas en Das Hundertwasser Haus, Vienna: ÖBV and Compressverlag, 1985, pp. 160-161.
A busqueda d'una parcela adecuata ta l'edificio tardó cuantos anyos. Como Hundertwasser no yera garra arquitecto pidió a la ciudat de Viena que metese a un profesional a lo suyo servicio ta aduyar-le a expresar as suyas ideyas en o papel. Alavez, l'arquitecto Josef Krawina fue invitau a unir-se a l'artista y aduyar-le a fer as suyas ideyas realidat.
Referencias
Vinclos externos
Hundertwasser Pachina web d'a casa. Fundación Hundertwasser. www.hundertwasserhaus.info. Galería de fotos. www.hundertwasserhaus.at.
Categoría:Molimentos de Viena