Antonio Durán Gudiol (Antoni Durán i Gudiol en catalán), naixito de Vic (Osona, Catalunya) o 21 d'aviento de 1918 y muerto en Uesca (Plana de Uesca, Aragón) o 6 de noviembre de 1995, estió un mosén y destacato historiador medievalista catalán, especializato en a historia d'Aragón (mas que mas en a suya historia eclesiastica y en as oríchens d'o condau d'Aragón y d'o reino d'Aragón, encara que tamién en arias relativas a l'arte d'Aragón). Yera sobrín de Josep Gudiol i Cunill (1872-1931), conservador d'o Museu Episcopal de Vic dende 1898, feito que fácil que rematase por condicionar a suya carrera posterior. Tamién estió primo d'o historiador de l'arte catalán Josep Gudiol Ricart (1904-1985).

Anyadas de formación Fació a suya formación en o seminario d'a suya ciudat natal, encara que enampló estudios en Roma (en Teolochía y Paleografía), a on i estió cuantas anyadas.

Carrera profesional Carrera sacerdotal En primeras, Antonio Durán Gudiol treballó como mosén en bellas localidaz catalanas, como Castellterçol, Aiguafreda u Torelló, dica que en 1947 se convertió en archivero en l'archivo d'a Seu de Santa María de Uesca, Antonio Durán Gudiol en a Gran Enciclopedia Aragonesa. a on i fació a resta d'a suya carrera como mosén, no tornando mai a albandonar as tierras aragonesas. Mientres a suya labor sacerdotal, destacó por a suya oposición a lo rechimen franquista, amás de por o suyo nacionalismo catalán.

Carrera cientifica En 1950, Durán Gudiol publicó o suyo primer articlo, La fábrica de la catedral de Huesca, en Argensola, una revista d'a que mesmo plegaría a estar-ne o suyo director, encomenzando asinas a suya fecunda carrera cientifica como historiador, recebindo en primeras l'impulso de José María Lacarra. Dende alavez, o suyo treballo estió siempre sobre temas relativos a Aragón, en primeras respective a la suya historia, fendo interesants aportacions a la Historia d'Aragón, mas que mas relativas a los primers tiempos d'a Edat Meya en Aragón. Sindembargo, tamién treballó sobre o rico romanico aragonés, incluyindo-ie as ilesias de Sarrablo, con as obras Arte altoaragonés de los siglos X y XI (1974) y Las iglesias mozárabes del Serrablo (1976) pero tamién a ilesia d'o monesterio de Sant Pero de Ciresa con El monasterio de San Pedro de Siresa (1989), a on estió defensor d'a existencia en o lugar d'una primitva ilesia en estilo carolinchio anterior a l'actual edificio romanico.

Publicacions Articlos 1950: La fábrica de la catedral de Huesca, en a revista Argensola. 1950: La iglesia en Aragón durante el siglo XI, en Estudios de Edad Media de la Corona de Aragón, IV. 1978: El obituario de los abades de Montearagón, en a revista Argensola, num. 185.

Libros 1953: Los manuscritos de la catedral de Huesca, Uesca (.pdf). 1957: Huesca y su provincia, Barcelona, ed. Aries. 1962: La iglesia de Aragón durante los reinados de Sancho Ramírez y Pedro I, 1062?-1104. Roma. 1965: Colección diplomática de la catedral de Huesca (vol. I). Ed. Instituto de Estudios Pirenaicos. 1967: Los condados de Aragón y Sobrarbe (inedito dica 1988). Premio Menéndez Pelayo d'o Consejo Superior de Investigaciones Científicas. 1969: Colección diplomática de la catedral de Huesca (vol. II). Ed. Instituto de Estudios Pirenaicos. 1974: Arte altoaragonés de los siglos X y XI. 1976: Las iglesias mozárabes del Serrablo. 1989: El monasterio de San Pedro de Siresa. 1990: La villa y la colegiata de Alquézar, ed. Instituto de Estudios Altoaragoneses. 1991: Historia de la Catedral de Huesca, ed. Instituto de Estudios Altoaragoneses. 1992: Proceso criminal a Maestre Sebastián Ximénez, escultor, ed. Instituto de Estudios Altoaragoneses. 1994: Los obispos de Huesca durante los siglos XII y XIII, Zaragoza. 1994: Iglesia y procesiones: Huesca, siglos XII-XIII, Zaragoza. 1996: Del arte y la historia medievales, Samianigo, ed. Amigos de Serrablo. 1998: Serrablo medieval: guía histórico-artística, Zaragoza. (sin de calendata): Orígenes del reino de Aragón (.pdf). (sin de calendata): Juan de Aragón y Navarra, obispo de Huesca (.pdf).

Premios y honors Una biblioteca municipal d'a ciudat de Uesca porta o suyo nombre en a suya honor. Biblioteca Antonio Durán Gudiol en a pachina web d'o Concello de Uesca. O Concello de Uesca concede anyalment en a suya honor os Premios de investigación Antonio Durán Gudiol. A Casa de Cultura de Samianigo porta o suyo nombre en a suya honor. Casa de Cultura `Antonio Durán Gudiol´ en a pachina web d'o Concello de Samianigo.

Vinclos externos Antonio Durán Gudiol en a Gran Enciclopedia Aragonesa. Bibliografía d'Antonio Durán Gudiol en Dialnet (.pdf).

Referencias

Categoría:Historiadors de Catalunya Categoría:Muertos en Uesca Categoría:Naixius de Vic Categoría:Mosens de Catalunya Categoría:1918 (naixencias) Categoría:1995 (muertes)