Blade Runner (títol orichinal en anglés, estrenada en Aragón con o suyo títol orichinal) ye una cinta de cine estausunidense de cine de ciencia-ficción de l'anyo 1982, dirichita por Ridley Scott seguntes un guión de Hampton Fancher, David Peoples y Roland Kibbee (basato en a novela Do Androids Dream of Electric Sheep?, de Philip K. Dick de 1968), con una dirección de fotografía de Jordan Cronenweth y una banda sonora de Vangelis. Steven Jay Schneider:101 Science Fiction Filme: Die Sie sehen sollten, bevor das Leben vorbei ist, Edition Olms, 2012, ISBN 9783283011697, p.237 Producita por Michael Deeley, Charles Lauzirika, Hampton Fancher, Brian Kelly, Jerry Perenchio, Ivor Powell, Run Run Shaw y Bud Yorkin ta The Ladd Company, en o suyo reparto incluye a destacatos actors como Harrison Ford, Rutger Hauer, Sean Young, u Edward James Olmos.
A cinta s'estrenó o 25 de chunio de 1982 en Estaus Unius, convertindo-se en una d'as cintas de culto de cuantas cheneracions. As prediccions de Blade Runner, trenta anyos dimpués, en Arredol. Iste film de ciencia-ficción suposó a consagración d'o suyo director, Ridley Scott, y ha estau influencia y un referent ta creyadors de cine, televisión, novelas y chuegos. Blade Runner ha estau fuertement aclamada, mas que mas t'abanzar en o planteyamiento de cuestions que s'han convertiu en fundamentals en iste sieglo XXI, como a globalización, o cambio climatico u a superpoblación.
Reparto Harrison Ford, en o papel de Rick Deckard. Rutger Hauer, en o papel de Roy Batty. Sean Young, en o papel de Rachael. Edward James Olmos, en o papel de Gaff. Daryl Hannah, en o papel de Pris. Morgan Paull, en o papel de Holden. Brion James, en o papel de Leon Kowalski. M. Emmet Walsh, en o papel de Capitán Bryant. Joe Turkel, en o papel de Dr. Eldon Tyrell. James Hong, en o papel de Hannibal Chew. William Sanderson, en o papel de J. F. Sebastian. Joanna Cassidy, en o papel de Zhora.
Temas d'os que se i charra Luengas que desafían l'anglés En Blade Runner se planteya o desafío d'a hechemonía de l'anglés en a ciudat de Los Angeles (California) en l'anyo 2019; en a cinta, i hai residents que charran un mezclallo de luengas europeas y de l'Asia Oriental; actualment, no s'ha plegau a una situación pareixida, encara que s'ha duplicau a cantidat de fablants d'o castellano en ista ciudat entre 1980 y 2010. Os visionarios pronostican que bel día o chinés mandarín será a luenga habitual ta os negocios a ran global.
Autos voladors En a cinta de Ridley Scott son celebres as imáchens d'autos voladors, como o que fa servir o protagonista, Rick Deckard, a qui interpreta l'actor Harrison Ford.
Reconoixencia de l'iris Os autos voladors son encara una fantasía, pero no l'escaneyo de l'iris, que en Blade Runner s'emplega ta a reconoixencia d'os ditos "replicants". Hue o sistema de reconoixencia de l'iris s'emplega en aeropuertos y puntos de control de mugas.
Intelichencia artificial En relación con os abances en intelichencia artificial, os "replicants" de Blade Runner pareixen sers humans sinteticos, y no robots, pero no tienen un comportamiento emocional normal; no s'han creyau encara maquinas que combinen o comportamiento d'as personas, o lenguache y a mecanica d'o cuerpo humano.
A colonización d'atras planetas Blade Runner imachinó un mundo en que a mayoría d'os sers humans heba fuyiu a colonias difuera d'a Tierra, mas placientes ta vivir, colonias que yeran chestionadas por empresas privadas.
A moralidat d'os robots A cinta planteya tamién una cuestión moral, constando en a ciencia-ficción: as consecuencias de creyar vida intelichent a semellanza d'os sers humans. "A cuestión que planteya a cinta ye si hemos d'atribuyir l'estatus de personas a las maquinas". Blade Runner'' fa servir a metafora d'a tecnolochía ta explicar porqué a sociedat decide que bels grupos de personas son acceptables y d'atros no.
Se veiga tamién Cine en 1982. Cintas de 1982.
Referencias
Vinclos externos
Pachina web oficial de Blade Runner. Blade Runner en IMDb. Blade Runner en AllRovi. Blade Runner en Turner Classic Movies. Blade Runner en Rotten Tomatoes. Blade Runner en Metacritic. Blade Runner en Box Office Mojo.
Categoría:Cintas con banda sonora orichinal de Vangelis Categoría:Cintas con dirección de fotografía de Jordan Cronenweth Categoría:Cintas con guión de David Peoples Categoría:Cintas con guión de Hampton Fancher Categoría:Cintas con guión de Roland Kibbee Categoría:Cintas con montache de Les Healey Categoría:Cintas con montache de Marsha Nakashima Categoría:Cintas con montache de Terry Rawlings Categoría:Cintas d'Estaus Unius Categoría:Cintas de cine de ciencia-ficción Categoría:Cintas dirichidas por Ridley Scott Categoría:Cintas en anglés Categoría:Cintas interpretadas por Edward James Olmos Categoría:Cintas interpretadas por Harrison Ford Categoría:Cintas interpretadas por Rutger Hauer Categoría:Cintas interpretadas por Sean Young Categoría:Cintas producidas por Brian Kelly Categoría:Cintas producidas por Bud Yorkin Categoría:Cintas producidas por Charles Lauzirika Categoría:Cintas producidas por Hampton Fancher Categoría:Cintas producidas por Ivor Powell Categoría:Cintas producidas por Jerry Perenchio Categoría:Cintas producidas por Michael Deeley Categoría:Cintas producidas por Run Run Shaw