O balneario de las Vilas ye balneario aragonés situato en o lugar de Las Vilas en o municipio de Torlarribera, en a comarca de Ribagorza. Se troba a una altaria de 1.437 m sobre o ran d'a mar a 80 km de distancia de Balbastro, 130 de Uesca y 200 de Zaragoza.
Situato a os piez d'o Turbón, que se debanta por dencima a una altaria de 2.492 m, o suyo clima ye xuto y agradable. Dende iste punto se pueden fer gambadas por o entorno pirinenco y excursions a numeros puntos naturals y historicos que se troban prou amanatos a o balneario como a Seu de Roda de Isabana, o Monesterio d'Obarra, os as villas de Benás y Graus, a ciudat medieval d'Aínsa u a estación d'esquí de Sarllé asinas como os Parques Nacionals de Aiguëstortes y Ordesa.
Historia Mientres tot o sieglo XIX as auguas d'o balneario nomás yeran conoixitas en a redolada, ya que dica 1908 os accesos ta o complexo yeran malos y l'aloxamiento prou incomodo. Por ixas envueltas acudiban mas que mas malautos de l'aparato urinario a tractar-se con as suyas auguas medicinals.
Ye ya en l'anyo 1931 cuan se prencipian a embotellas as auguas, dimpués d'haber-se feito os correspondients tractamientos hichienicos. En 1934 s'inauguran as instalacions de l'hotel, que en os primers anyos s'emplegó como refuchio ta ninos en a Guerra Civil y que dimpués tornó a emplegar-se ta a suya actividat inicial.
Auguas y tractamientos As auguas, que salen d'o manantial d'a Virchen d'a Penya a 7 °C, tienen as propiedaz d'estar bicarbonatatas, calcicas, oligometalicas y muit hipotonicas. Istas auguas presentan una mineralización total de 0,354g/l, estando un 80% o bicarbonato de calcioLos balnearios aragoneses. Fernando Solsona. Cai 100. Nº37.
Iste tipo d'auguas s'emplegan en o tractamiento de malautías de rinyón y vías urinarias Aumenta a diuresis y a eliminación de l'acido urico, por o que son ideyals ta eliminar calculos y favoreixer a suya prevención. Se fan servir tamién ta curas antiestrés y ta as malautías hepato-biliars, en trestuques nutritivos y d'o metabolismo.
Se recomiendan amás en dieta pobres en sodio, t'amillorar y estimular as funcions dichestivas ya que incrementa as secrecions dichestivas y a gana. Tamién son buenas en caso d'anemias, problemas circulatorios y malautías reumaticas y respiratorias.
O tractamiento se gosa realizar por cura hidropínica u bebendo a mesma augua. Tamién se fan hidromasache y banyos de bombollas, chorros de presión, masaches subacuaticos, banyos de vapor, archilas, aerosols, masaches manuals, drenaches linfaticos, gravitoterapia y fisioterapia.
Servicios L'hotel d'o balneario tiene 55 habitaciones, todas ellas con banyo, calefacción, televisión, telefono y acceso dreito a la zona de balneoterapia.
Amás atras instalacions d'o complexo incluyen as piscina termal cubierta, a piscina exterior en verano, un chimnasio, o restaurant, a cafetería, una botiga, un salón de chuegos y televisión, peluquería, capiella y loga de bicicletas de montanya.
En iste mesmo balneario s'embotella l'augua mineral natural que leva o nombre de "Vilas del Turbón".
Referencias
Vinclos externos Web oficial Balnearios de Aragón Vilas del Turbón. Web oficial d'os Balnearios d'Aragón Vilas del Turbón.
Vilas Categoría:Mitolochía aragonesa Categoría:Torlarribera