Nepza estió un lugar con castiello cerca de Belchit, en la comarca de lo Campo de Belchit, y en la provincia de Zaragoza. Ye mencionau siempre con Belchit en textos de lo sieglo XII.
Toponimia Bel autor lo interpreta a partir de lo etnonimo de los berbers Nafzawa, un grupo tribal berber client d'Abderramán I Miguel Arenillas Parra et al. La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996 p 173 que s'establió en diferents zonas d'Al Andalus dende lo sieglo VIII como por eixemplo Teruel y Villel (los Banu Amira y los Banu Gazlun yeran brancas de los Nafzawa), y a lo norte de lo Guadiana. Jacinto Bosch Milà Los bereberes en al-Andalus pp 89- 93, publicau en Imazighen del Magreb entre Occidente y Oriente (introducción a los bereberes) editau por Rachid Aha Ahmed, 1994 Bi ha una rechión de Túniz dita Nafzawa (نفزاوة, transliterau d'acuerdo con a tradición francesa como Nefzaoua).
Por ser abandonau este nuclio de población lo toponimo cayó en desuso, estando la suya zaguera mención como Neuza en un texto de lo sieglo XVI de l'Archivo Historico Provincial de Zaragoza de lo Fondo Íxar referent a una partida de lo termin municipal de Belchit.AHPZ. Fondo Híjar. Sala I, legarza 183, caixa 1. Texto impreso, p 64.
Cheografía Se suposa que corresponde a lo parache de Belchit huei conoixiu como El Castillo, en una muela muito cerca de Belchit Viello, con un chacimiento arqueolochico.
Historia Encara que s'interprete como un nuclio de población berber Nafzawa, no ye mencionau en fuents musulmanas medievals de la peninsula y las primeras mencions son en textos cristianos aragoneses escritos en latín medieval de los anyos 1125, 1164 y 1170. Este lugar con castiello remató por ser adhibiu como termin de Belchit, a on se reubicó la suya población.
Referencias
Bibliografía Miguel Arenillas Parra et al.: La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996.
Categoría:Despoblaus d'a provincia de Zaragoza Categoría:Lugars de Belchit Categoría:Localidaz de l'archidiocesi de Zaragoza en o Campo de Belchit