O Hochfelln ye un mont situau en os Alpes de Chiemgau que tien una altaria de 1.674 metros sobre o nivel d'a mar y que se troba en o municipio de Bergen en o districto de Traunstein, Alta Bavera. Muit amán i ye un atra montanya important, o Hochgern.
Tourismo Encara que se puet plegar andando dica a tuca, tamién ye posible fer-lo con o Hochfellnseilbahn, un teleferico que atura a metat de camín (en o refuchio de Bründlingalm) y contina dimpués dica plegar en o punto mas alto. Amán d'a cruz que sinyala a tuca se troba a Hochfellnhaus, o restaurant mas alto de Chiemgau. Arredol de 80 metros enta o sud de dita cruz ye o punto mas alto d'o Hochfelln, a on que se troba una chicota capiella adedicada a la Transfeguración de Cristo. Ista ermita se cremó mientres una tronada en hibierno de 1971 y habió de tornar a reconstruyir-se.
As rotas de puyada posibles vienen dende Weißachental en Bergen u dende Ruhpolding a traviés de Strohnschneid u Thoraualm, ista zaguera alternativa ye mas fácil.
Categoría:Montanyas de Bavera Categoría:Montanyas d'os Alpes Categoría:Alpes de Chiemgau