PRAMES, S.A. (sigla de Publicaciones y Realizaciones Aragonesas de Montaña, Escalada y Senderismo, Sociedad Anónima) ye una empresa aragonesa multidisciplinar especializada en a promoción d'as actividaz en a naturaleza, esportes d'aventura y turismo, con presencia en bels sectors relacionaus, como o sector editorial, a promoción y rehabilitación d'edificios, l'adecuación y balizamiento de camins y de senders Pachina web de PRAMES, consultada o 23 de septiembre de 2015., a construcción y mantenimiento d'instalacions esportivas y a formación profesional de treballadors d'o sector d'os esportes d'aventura y guías turisticos.
Establida en 1989 en o barrio de Sant Gregorio, en Zaragoza, con un empuche important d'a Federación Aragonesa de Montanyismo y a Deputación Provincial de Uesca, o marco d'as suyas actuacions no-editorials ye toda a Comunidat Autonoma d'Aragón. Ye conoixida tamién por fer numerosas d'as suyas actuacions, en materia de conservación d'edificios y adecuación de camins, en colaboración y tamién baixo réchimen de concesión con as Administracions publicas y os achuntamientos.
Dica o inte, ye estructurada como una sola Sociedat Anonima (no pas un grupo empresarial), a on que i sobre-surte especialment a suya actividat editorial. PRAMES, S.A. ye a primer empresa editorial en Aragón, y una d'as dos u tres mas importants en toda Espanya especializada en montanya y actividaz en a Naturaleza.
Capital
En un informe espublicau en 2008, declaraba un capital social de 1.344.763,88 € Dossier de presentación de PRAMES, consultau o 23 de septiembre de 2015. Os suyos accionistas mayoritarios yeran a Federación Aragonesa de Montanyismo (F.A.M.), con un 17,86% de participacions (bels 240.000 €), y a CAI y Ibercaja, con o 15,64% cadaguna (bels 210.000€).
Atros accionistas importants son a DChA y a Deputación Provincial de Uesca, con un 10,73% d'as participacions en a S.A (144.200€ cadaguna). A Deputación Provincial de Teruel y l'Achuntamiento de Zaragoza i tienen a metat de participación que a D.P. de Uesca, pero tamién fan parte d'a Chunta d'Accionistas. A Deputación Provincial de Zaragoza ye a menos representada d'as D.P., con só que o 2,68% d'as accions.
Belatros accionistas menors son diferents clubs de montanyistas y entidaz privadas, y se'n destaca especialment o diario Heraldo de Aragón, con un 5% d'as accions (67.253€).
Referencias
Se veiga tamién
Chusé Aragüés Chesús Casaus
Categoría:Editorials d'Aragón Categoría:Empresas constructoras d'Aragón