O franco central (en alemán Mittelfränkisch) ye un grupo formau por os siguients dialectos de l'alto alemán central occidental: Ripuario (charrau en o estau alemán de Renania d'o Norte-Westfalia, a l'este de Belchica, y o sud-este d'a provincia neerlandesa de Limburgo) Moselán (charrau en os estaus alemans de Renania-Palatinato y Sarre, en a parti oriental de Belchica y en a Lorena francesa) Luxemburgués (charrau en Luxemburgo y en as arias adchacents de Belchica y Francia) O luxemburgués gosa incluyir-se como un subdialecto d'o franco moselán, encara que a vegadas se clasifica en un grupo deseparau. A Comunidat Chermanofona de Belchica comprende tanto o dialectos francos moselans como ripuarios. Os dialectos d'o franco central fan parti d'o continuum d'as luengas renanas y muga con as luengas baixofrancas a o nord-ueste y con o franco renano a o sud-este.
Igual que o limburgués, o franco central ye una luenga con accento tonal.
No s'ha de confundir l'aria en que se charra o franco central con a provincia bavara de Franconia Meya, a on se charran dialectos d'o franco oriental.
Se veiga tamién Baixo franco Alto franco
Franco central