O hianzisch (en idioma alemán y bavaro hianzisch, heanzisch u hoanzisch, en hongaro Hiénc) ye un subdialecto d'o dialecto central oriental de l'idioma bavaro parlau en a rechión de Heanzenland, gran parti de l'actual estau austriaco de Burgenland. Tien muitas parolas en común con a resta de dialectos austro-bavaros.
Caracteristicas O dialecto hianzisch perteneixe a o grupo de dialectos bavaros que tienen o diftongo "ui" (como os dialectos parlaus en os districtos baixoaustriacos de Waldviertel y Weinviertel), asinas podemos veyer como muitas parolas que en alemán tienen una "u" y que en bavaro estándard se diftonga en "ua", diftongan en hianzisch como "ui". Istas parolas teneban en alto alemán medieval o diftongo "uo" (por eixemplo guot, muoter u bluot). En a siguient tabla se veyen bels eixemplos:
Alemán Bavaro Hianzisch gut guad guid Mutter Muada Muida Schuhe Schua Schui Ruhe Rua Rui Hut Huad Huid genug gnua gmui suchen suachn suicha zu zua zui Tuch Tuach Tui Krug Gruag Grui
Un eixemplo de frase en a que se fan servir istas parolas sería: "Di Muida und da Bui tuin gmui Fuida fia d'Kui in déi tuife Trui"
Un atra caracteristica d'o hianzisch ye l'uso d'o pronombre personal de tercera persona singular neutro "si" en cuentas de "es", cheneral en bavaro y alemán estándard: "si réignt" (en alemán "es regnet", en aragonés "ye plevendo") "si tuit wéih" (en alemán "es tut weh", en aragonés "(me) fa mal").
Vinclos externos Hianzenverein. Dialecto hianzisch en Austria-Forum, dem österreichischen Wissensnetz – online.
Hianzisch