A casa natal de Goya ye un edificio que se troba en a localidat de Fuent de Todos (Campo de Belchit), en a cual naixió o pintor aragonés Francisco de Goya o 30 de marzo de 1746.
Actualment, y dende l'anyo 1989, ye un museu en o cual se conserva materials, reproduccions d'obras y documentos de Goya, asinas como tamién trastes y muebles d'estilo aragonés.
L'edificio L'edificio ye una casa rural de labradors, con toz os suyos obchectos tradicionals. A frontera y as parez son de mampostería bien treballada y piedra picata en as cantonadas.
En l'interior tien tres plantas, d'as cuals a planta baixa ye compuesta de cuadra, cocina con minchador y una dentrada an bi ha una escalera que puya ta la primer planta, en a cual bi ha una sala de trobar y en os suyos cantos dos cambras. A falsa ye un graner con un teito con dos versants. Amás a casa tien muebles, trastes, cuadros y documentos d'a epoca.
Historia Ista casa yera propiedat de Miguel Lucientes, chirmán de Gracia Lucientes, mai d'o pintor y d'ascendencia fidalga. Poco dimpués de que a familia Goya s'instalase en a casa debito a o treballo de su pai José Goya, o cual teneba que dorar o retablo mayor d'a ilesia d'o lugar, naixió o famoso pintor. Bellas anyadas dimpués a familia tornará ta Zaragoza.
En l'anyo 1913 o pintor Ignacio Zuloaga y una colla d'artistas zaragozanos identifican a casa, a cual mercan a Benita Aznar Lucientes, una sobrina-fillata de Goya. Mas tardi, en 1928, o Sindicato d'Iniciativas y Propaganda d'Aragón (SIPA) creya una chunta ta a remeranza d'o centenario d'a muerte de l'artista. Entre os suyos obchectivos ye a conservación d'a casa, ta o cual mercan a casa contigua.
Desgraciadament mientres a guerra civil, a casa natal de Goya ye parcialment destruyita, por lo que estió esviellata en 1946 por Teodoro Ríos. Posteriorment, en 1981, a Dirección Cheneral d'Artes Politas aprebó un nuevo esvielle, d'o cual as obras rematoron en 1985. O 13 de chulio d'ixe anyo fue devantada oficialment, y por un Reyal Decreto de 1982 fue declarata Molimento Historico Nacional.
Sala Zuloaga A sala Zuloaga ye un espacio expositivo clavato en a casa contigua a la casa natal y a cual en l'anyo 1917 Ignacio Zuloaga convirtió en escuelas que fuoron clamatas con o suyo nombre. Ye una casa tradicional de dos plantas que fue esviellata como sala d'exposicions en os anyos 90 y inaugurata o 30 de marzo de 1996 con una exposición sobre o pintor basco Sala Zuloaga en a pachina web oficial.
Dende ixe inte a sala ye especializata en as Artes graficas, con exposicions d'artistas como: Picasso, Miró, Gordillo, Arroyo, Plensa, Guinovart, Saura, Chillida, Arroyo, Gordillo, Hernández, Hernández Pijoan, Ràfols- Casamada, Víctor Mira, Natalio Bayo, Francisco Pradilla, Ricardo Baroja, Gutiérrez Solana, Manuel Lahoz, Joan Brossa, Flaxman y belatros.
Referencias
Veyer tamién Museu d'o Gravato de Goya. Fuent de Todos. Francisco de Goya.
Vinclos externos
Pachina web oficial d'a Casa natal de Goya Pachina web oficial d'a Sala Zuloaga Pachina web oficial d'a Fundación Fuendetodos Goya Pachina web oficial d'a Fundación Goya en Aragón Información sobre a Casa natal de Goya en o SIPCA (Sistema de Información del Patrimonio Cultural Aragonés)
Categoría:Biens d'Intrés Cultural d'o Campo de Belchit Goya Categoría:Molimentos de Fuent de Todos Categoría:Molimentos d'a provincia de Zaragoza Categoría:Molimentos d'o Campo de Belchit Categoría:Museus d'a provincia de Zaragoza