As luengas romances occidentals son una d'as dos subdivisions proposadas ta as luengas romances basada en a linia La Spezia–Rimini. Incluyen as brancas galorromanica y iberorromanica, asinas como as luengas d'o norte d'Italia. Ista subdivision se basa nomás en l'uso d'a "s" en a formación d'os plurals y en as consonants febles, encara que isto fa a categorización muit dificil, ya que bi ha una mayor similaridat lexica entre toz os dialectos d'o italiano y o francés que entre o francés y o castellano. Bi ha tamién por contra una mayor similaridat morfolochica entre o castellano y os dialectos italianos que entre l'italiano y o francés.
Basando-se en a intelichibilidat mutua, Dalby conta dica doce luengas: portugués, castellano, astur-leyonés, aragonés, catalán, gascón, provenzal, galo-valón, francés, francoprovenzal, rumanche y ladino. David Dalby, 1999/2000, The Linguasphere register of the world’s languages and speech communities. Observatoire Linguistique, Linguasphere Press. Volume 2. Oxford. Iste criterio de clasificación ye manimenos problematico, debiu a o mayor nivel d'intelichibilidat mutua entre as luengas italicas y ibericas que entre cualsiquiera d'istas y as luengas galorromanicas. On the Romance Languages Mutual Intelligibility. Alina Maria Ciobanu, Liviu P. Dinu
Bellas clasificacions incluyen aquí o italo-dalmata; denominando a o resultau como luengas romances italo-occidentals. Atras clasificacions fican o italo-dalmata con as luengas romances orientals.
O sardo no se puet clasificar satisfactoriament ni entre as luengas romances occidentals ni entre as orientals y ye posible que sía una escisión temprana d'uno d'istos grupos.
Actualment as cuatre luengas romances occidentals estandardizadas mas charradas son o castellano (con bels 410 millons de fablants nativos), o portugués (con bels 220 millons de fablants nativos y atros 45 millons con ista como segunda luenga, mas que mas en l'Africa lusofona), o francés (con bels 75 millons de fablants nativos y atros 70 millons con ista como segunda luenga, a mayoría en l'Africa francofona) y o catalán (con bels 7,2 millons de fablants nativos). Muitas d'istas luengas tienen un gran numero de fablants no nativos; isto ye muit común ta o francés especialment, ya que ye prou estendillau en Africa occidental como lingua franca.
Galorromanicas
As luengas galorromanica incluyen:Nordhoff, Sebastian; Hammarström, Harald; Forkel, Robert; Haspelmath, Martin, eds. (2013). "Western Romance". Glottolog. Leipzig: Max Planck Institute for Evolutionary Anthropology. As luengas d'oïl, entre as que se troban o francés estándard, o picardo, o valón, o lorenés y o normando. L'arpitán, tamién conoixiu como francoprovenzal, que tien caracteristicas comunas con o francés y con o dialecto provenzal de l'occitán. A vegadas s'incluye tamién entre as luengas d'oïl. As luengas galorromanicas pueden incluyir: As luengas retorromanicas, que incluyen o rumanche en Suiza, o ladino en l'aria d'os Dolomitas y o friulán en Friuli. As luengas retorromanicas pueden clasificar-se como galorromanicas u como una branca independient entre as luengas romances occidentals. As luengas occitanorromanicas en o sud de Francia y l'Este d'Iberia, que incluyen l'occitán y o catalán. As luengas occitanorromanicas pueden clasificar-se entre as galorromanicas, as iberorromanicas u como una branca independient entre as luengas romances occidentals. L'idioma occitán, que tien dialectos como o provenzal y o gascón-aranés. L'idioma catalán, que tiene as formas estandar d'o catalán y o valenciano. Se pueden clasificar tamién como ibero-orientals. As luengas galoitalicas, que incluyen o piemontés, o ligur, o lombardo, l'emiliano-romanyol, o galoitalico de Sicilia y o galoitalico de Basilicata. As luengas galoitalicas pueden clasificar-se como galorromanicas u entre os dialectos norditalianos. As luengas d'oïl, l'arpitán y as luengas retorromanicas se clasifican a vegadas en un grupo común dito galo-retico.
Iberorromanicas
As luengas iberorromanicas d'a peninsula Iberica incluyen: As luengas ibero-occidentals: As luengas castellanas, que incluyen o propio castellano y o chudeocastellano. O galaicoportugués, que incluye o portugués, o gallego, a fala y o portunyol riverense. L'astur-leyonés, que se subdivide d'este a ueste en cantabro, asturiano centro-oriental y leyonés. De norte a sud trobamos o leyonés, o mirandés, o extremenyo y o barranquenho. As luengas pirenenco-mozarabes, que incluyen l'aragonés y o extinto mozarabe. Pueden clasificar-se como ibero-occidentals. As luengas ibero-orientals u idioma catalán, clasificau por un regular como parti d'as luengas occitanorromanicas. Se veiga alto galorromanicas.
Referencias
*