Los adverbios de manera en francés modifican l'acción expresada en lo verbo y pueden substuir a un complemento circumstancial de manera. Gramática francesa. Larousse Editorial, S.A, 2000., p 152-152. Este tipo d'adverbio aporta una indicación de forma u manera a la palabra de la que ye satelite.
Los adverbios de manera pueden estar de cuatro clases: a) Adverbios d'orichen latín. b) Adchectivos cualificativos que fan d'adverbio. c) Locucions adverbials. d) Adverbios formaus con lo sufixo -ment a partir d'adchectivos.
Adverbios de manera d'etimolochía latina Son adverbios d'orichen latín y con equivalent en atras luengas romances: bien, mal, mieux, etcetera. Ainsi: asinas, d'esta traza. Aussi: tamién. Bien: bien < BENE Comme, comment: como < QUOMODO Ensemble: d'uso tamién en aragonés medieval como "toz chuntos". Exprès: Mal: malament. Mieux: millor. Presque: cuasi. Pis: encara pior. Plutôt: mes bien. Tout: tot, de tot. Vite: rapido. Volontiers.
Locucions adverbials de manera Son locucions adverbials de manera: À bras-le-corps, à califourchon, à la légère, à la va-comme-je-te-pousse ("a escape"), à la va-vite ("a escape"), à l'aveuglette, à loisir, à nouveau, à tire-d'aile ("a escape"), à tire-larigot, à tort ("erroniament", "equivocadament"), à tue-tête, bel et bien, bon marché ("barato"), d'arrache-pied ("inevitablement", "sin de remedio"), de guingois, debout ("de piet"), n'importe comment, pour de bon, tan bien que mal, etc.
Destacan las locucions feitas con lo sufixo -ón, sobre tot en plural con "s adverbial" (à tâtons), Jesús Cantera y Eugenio de Vicente: Gramática francesa. Editorial Cátedra, S.A., 1999. pp 198-199. comparables a las que bi ha en occitán, catalán y aragonés.
Bi ha locucions adverbials de manera que cubre lo vuido d'adchectivos cualificativos que no pueden formar adverbios en -ment. Se puede formar locucions con: Michèle Maheo-Le Coadic, Reine Mimran, Sylvie Poisson-Quinton: Grammaire expliquee du francais. Niveau intermediaire. Clé International, 2007. pp 186. D'une façon + adchectivo. De façon + adchectivo. D'une manière + adchectivo. De manière + adchectivo. En + substantivo relacionau con l'adchectivo: en fleur. Avec + substantivo relacionau con l'adchectivo: avec plaisir.
Adverbios de manera formaus con lo sufixo -ment
La mes gran part de los adverbios acabaus en -ment son adverbios de manera. Exemplos: autrement (altrament), également ("igualment"), admirablement ("admirablement"), y talment tellement.
Lo sufixo -ment ye un de los pocos que puet formar adverbios y només lo puet fer a partir d'adchectivos en forma femenina, de fueras d'unas excepcions. La mes gran part de los adverbios formas con este sufixo son adverbios de manera.
Si l'adchectivo acaban en -e-, lo sufixo s'anyade dreitament. Calme > calmement. Ortografía francesa. Larousse Editorial, S.A, 1999., pp 40-43.
Manimenos, se troba la secuencia -ément: Précis > précisément. Profond > profondément.
Una lista prou representativa sería: Aveuglément, commodément, communément, conformément, confusément, densément, diffusément, énormément, expressément, exquisément, importunément, imprécisément, incommodément, indivisément, inopportunément, opportunément, indivisément, intensément, obscurément, profondément, profusément y uniformément.
Son toz advervios invariables en femenino. Los adverbios précisément y expressément derivan d'adverbios latinos cultos que se pronunciaban con la é final d'acuerdo con la pronunciación academica (expressé, précisé). Heinrich Lausberg: Lingüistica romanica. Tomo II morfología. Editorial Gredos, pp 148-151.
Si l'adchectivo acaba en -ai, -é, -i u -u se fa servir la forma masculina: Patrick Guédon, Sylvie Poisson-Quinton: La grammaire du français. Editions Maison des Langues, 2016. pp 96-100. Vrai > vraiment. Joli > joliment. Aisé > aisément. Resolu > résolument.
Bi ha un accento circumflexo que senyala la perda de la e de lo femenino en beluns d'estos adchectivos: Assidu > assidûment. Goulu > goulûment. Indu > indûment.
Una lista prou representativa sería: assidûment, congrûment, continûment, crûment, dûment, fichûment, foutûment, goulûment, incongrûment, indûment y nûment.
Los adchectivos acabaus en -ant y -ent (terminación de lo participio present), unen esta terminación a la de l'adverbio quedando las secuencias -emment y amment: Savant > savamment. Prudent > prudemment.
Bi ha uns adverbios acabaus en -ment que se remontan a una forma en francés antigo: Bref, brève > brièvement. Journellement. Grièvement. Traîteusement. Sciemment.
La terminación -ment se puede aplicar tamién a substantivos pa formar adverbios: Bête > bêtement. Diable > diablement.
Referencias
Bibliografía Gramática francesa: Larousse Editorial, S.A, 2000. Ortografía francesa: Larousse Editorial, S.A, 1999. Jesús Cantera y Eugenio de Vicente: Gramática francesa. Editorial Cátedra, S.A., 1999. Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996. Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015. Maïa Grégoire, Odile Thiévenaz: Grammaire progressive du français. Clé International, 2002. Patrick Guédon, Sylvie Poisson-Quinton: La grammaire du français. Editions Maison des Langues, 2016. Michèle Maheo-Le Coadic, Reine Mimran, Sylvie Poisson-Quinton: Grammaire expliquee du francais. Niveau intermediaire. Clé International.
Manera Frances