Chapecó ye un municipio d'o estau de Santa Catarina en Brasil, que se fundó lo 25 d'agosto de 1917. A suya población yera de 209.553 habitants en 2016, en una superficie de 625,60 km².
Economía Os sectors economicos predominants son os servicios, o sector agricola y l'industria agroalimentaria, prencipalment l'avicultura y la cria de tocins. O sector turistico ye tamién relacionau con a suya actividat agricola y agroalimentaria, fendo-se-ie ferias ta la promoción y activación d'iste negocio.
Esporte Esportivament en a ciudat cal destacar o Chapecoense (Associação Chapecoense de Futebol), que compite en a primera división d'o futbol brasilero (Brasileirão) y tristement conoixiu por l'accident aerio d'o vuelo 2933 de LaMia en o que morió gran parti d'os integrants d'a suya plantilla d'a temporada 2016/2017. Tamién destacan os equipos d'a ciudat d'atros esportes como ciclismo, voleibol, atletismo, balonmán, escaques, natación y judo, entre d'atros.
Vinclos externos
Sitio web d'o municipio. Unochapecó - Universidade Comunitária Regional de Chapecó, Universidad local. Noticias relacionadas con Chapecó.
Categoría:Localidaz de Brasil