Iste articlo ye sobre un atleta estausunidense; ta atros usos, se veiga Frank Jarvis (desambigación).
Frank Washington Jarvis naixiu de California, Pennsilvania, Estaus Unius o 31 d'agosto de 1878 y muerto en Sewickley, Pennsilvania, Estaus Unius o 2 de chunio de 1933 fue un atleta estausunidense especializau en prebas de velocidat y saltos.
Participó en os Chuegos Olimpicos de 1900 celebraus en París en os que ganó a preba d'os 100 metros lisos, tamién participó en a preba de triple brinco no aconsiguindo una clasificación destacable.
En os Chuegos, Jarvis yera uno d'os favoritos ta aconseguir una medalla pero o gran favorito yera, Arthur Duffey, ganador d'os campionatos de 100 yardas d'Estaus Unius de 100 metros yardas en 1898 y d'a AAU en 1899, amás d'os campionatos britanicos d'a AAA en 1900. Duffey ganó as series de clasificación y a semifinal d'os Chuegos Olimpicos en as que clasificoron ta la final cuatre corredors, os tres estausunidenses y l'australián Stanley Rowley. Prencipió a cursa con una buena surtida Duffey en o primer puesto, pero en a mitat d'a cursa una lesión le fizo abandonar a cursa y fue Jarvis qui aconsiguió a victoria.
Dismpués d'a suya carrera atletica acabó os suyos estudios y estió avogau dica a suya muerte.
Referencias
Vinclos externos Biografía de Frank Jarvis.
<center>
<center>
Categoría:Velocistas d'Estaus Unius Categoría:Medallistas olimpicos d'Estaus Unius Categoría:Medalla d'oro en os Chuegos Olimpicos Categoría:Atletas d'Estaus Unius en os Chuegos Olimpicos de 1900 Categoría:Naixius de Pennsilvania Categoría:Muertos en Pennsilvania Categoría:1878 (naixencias) Categoría:1933 (muertes)