Iste articlo ye sobre una ciudat neozelandesa en o districto de Waipa; ta atros usos, se veiga Cambridge (desambigación).
Cambridge (maorí Kemureti) ye una localidat d'o districto de Waipa en a rechión de Waikato d'a Isla d'o Norte de Nueva Zelanda. Situada a 24 kilometros a o sud-este de Hamilton, a cantos d'o río Waikato, Cambridge ye conoixida como "A ciudat d'árbols y campions" (en anglés "The Town of Trees & Champions"). A ciudat tien una población de 19.600 habitants, lo que la fa a mayor localidat d'o districto de Waipa y a tercera aria urbana en Waikato (dimpués de Hamilton y Taupo).
Historia
Antis de l'arribada d'os europeus bi heba un pa maorí en os arredols d'o que dimpués sería Cambridge. Discover Cambridge: Maoritanga En a decada de 1850 misioners y granchers procedents de Gran Bretanya s'instaloron en a zona, ficando-ie as modernas practicas d'agricultura y ganadería y espardindo-las entre a población local maorí, construyindo dos molins de farina y trayindo maquinaria dende Anglaterra y Francia. En ixa decada bi habió una buena cullida de cerial, encara que malas que os comerciants d'Auckland prencipioron a mercar grano mas barato procedent d'Australia, dito mercau prencipió o suyo declive
L'asentamiento europeu de Cambridge fue establiu cuan o 3er Rechimiento d'a Milicia de Waikato plegó astí en 1864 dimpués d'a invasión de Waikato. A localidat fue nombrada en honor a o Prencipe Chorche, duque de Cambridge, comandante en chefe d'o exercito britanico por ixas envueltas.
Referencias
Vinclos externos
Categoría:Localidaz de Nueva Zelanda