Iste articlo tracta sobre o chenero Panthera d'os felidos. Pa atros usos d'a parola pantera se veiga Pantera (desambigación).Panthera (Oken, 1816) ye un chenero de mamiferos carnivoros d'a familia Felidae, en l'orden Carnivora. Fa parte d'a subfamilia Pantherinae, de a cual en ye o chenero tipo.
O chenero aglutina belunas d'as especies de grans felidos actuals mas conoixidas, como o lión (Panthera leo), o tigre (Panthera tigris), o leopardo (Panthera pardus) y o chaguar (Panthera onca), con todas as suyas subspecies, y tamién cualques especies extintas como lo lión d'as cavernas (Panthera spelaea) y o chaguar europeu (Panthera gombaszoegensis).
Caracteristicas Os miembros de Panthera son Felidae de mida gran, orellas redondas y coda larga. Tienen as zarpas fuertes, con unglas retráctils como toz os felidos, y normalment as patas debanteras mas robustas y fuertes que as zagueras.
O pellizo ye cubierto de picas u ocelos, que en o caso concreto d'a especie Panthera leo son marcaus cuan naixe, pero tienden a desapareixer a mesura que l'animal se torna adulto. Como en muitos felidos, a presencia de tacas en o pelo ye un caracter basal que se relaciona con o mimetismo y con a estratechia de caza a la guait que practican, y se troba present en os chens de toz ellos. En Panthera tigris, as tacas s'han fusionau en formando rayas verticals.
O gramiu As especies de Panthera tienen o ueso hioides de tot osificau. Ista ye a caracteristica mas determinant de o chenero.
Tradicionalment se pensaba que l'hioides de ueso yera lo que les permitiba gramar (a diferencia d'atros felidos, que no pueden), pero estudios mas recients han mostrau que o gramiu que fan estaría imposible sin belatras adaptacions no esqueleticas que os miembros de Panthera tienen, como o diametro d'a larinche (mas ampla en proporción) y un engruiximiento d'as cuerdas vocals. J H. Hast. The larynx of roaring and non-roaring cats, en J. Anat., 163: 117-121.
A pantera d'as nieus (Panthera uncia) ye o solo miembro d'o chenero Panthera que no tiene l'hioides feito ueso, por a cual cosa no puede gramar. O ueso hioides semi-osificau de P. uncia ye un d'os caracters que han forzau a revisión d'a taxonomía d'iste chenero. En l'actualidat se debate si P. uncia ye un miembro de Panthera u s'ha de sacar pa creyar con ella unatro chenero, de nombre Uncia.<ref name=Yu> L. Yu, y YP Zhang: Phylogenetic studies of pantherine cats (Felidae) based on multiple genes, with novel application of nuclear β-fibrinogen intron 7 to carnivores, en Molecular Phylogenetics and Evolution``, 35 (2), 2005, p. 483-485.</ref>
Especies y subspecies Panthera blytheae † Panthera crassidens † Panthera gombaszoegensis † Panthera leo - Lión Panthera leo atrox † - Lión americano. Panthera leo azandica Panthera leo bleyenberghi - Lión de Katanga. Panthera leo europaea † - Lión europeu. Panthera leo fossilis † Panthera leo hollisteri - Lión d'o Congo. Panthera leo kamptzi Panthera leo krugeri - Lión sudafricano. Panthera leo leo - Lión de l'Atlas (extinto en estau salvache) Panthera leo melanochaita † - Lión d'o Cabo. Panthera leo massaica - Lión masai. Panthera leo nubica - Lión d'Africa oriental. Panthera leo nyanzae Panthera leo persica - Lión asiatico. Panthera leo sinhaleyus † - Lión de Sri Lanka. Panthera leo senegalensis - Lión de Senegal. Panthera leo spelaea - Lión d'as cavernas. Panthera leo verneyi - Lión de Kalahari. Panthera onca - Chaguar. Panthera onca arizonensis † - Chaguar d'Arizona. Panthera onca augusta † Panhera onca centralis Panthera onca goldmani Panthera onca hermandesii Panthera onca onca Panthera onca palustris Panthera onca paraguensisPanthera onca peruvianaPanthera onca veracrucis - Chaguar de Veracruz.Panthera onca mesembrina † - Chaguar sudamericano d'o Pleistoceno.Panthera paleosinensis †Panthera pardoides = Panthera schaubi † - Fósil. Conoixida como "Puma d'Owen", se creyeba que yera la especie basal de Panthera.Panthera pardus - Leopardo.Panthera pardus adersi - Leopardo de Zanzíbar.Panthera pardus ciscaucasiana - Leopardo d'o Caucas.Panthera pardus delacouri - Leopardo d'Indochina. Panthera pardus fusca - Leopardo indio.Panthera pardus japonensis - Leopardo d'o norte de China.Panthera pardus javersiPanthera pardus jarvisi - Leopardo de Sinaí.Panthera pardus kotiya - Leopardo d'Sri Lanka.Panthera pardus lunellensisPanthera pardus melas - Leopardo de Chava.Panthera pardus nimr - Leopardo d'Arabia.Panthera pardus panthera - Leopardo de Berbería.Panthera pardus pardus - Leopardo africano.Panthera pardus pernigra - Leopardo de Nepal.Panthera pardus saxicolor - Leopardo persa.Panthera pardus sickenbergi † - Leopardo europeu.Panthera pardus tulliana - Leopardo d'Anatolia.Panthera pardus vraonensisPanthera tigris - Tigre.Panthera tigris acutidens † - Tigre d'o Pleistoceno en Asia.Panthera tigris altaica - Tigre siberiano.Panthera tigris amoyensis - Tigre d'o sud d'a China.Panthera tigris balica † - Tigre de Bali.Panthera tigris corbetti - Tigre d'Indochina.Panthera tigris jacksoni - Tigre malayo.Panthera tigris soloensis † - Tigre de Ngandong.Panthera tigris sondaica - Tigre de Chava.Panthera tigris sumatrae - Tigre de Sumatra.Panthera tigris tigris - Tigre de Bengala.Panthera tigris trinilensis - Tigre de Trinil.Panthera tigris virgata † - Tigre persa.Panthera toscana †Panthera uncia - Leopardo d'as nieus.Panthera youngi''
Referencias
Vinclos externos
* Categoría:Cheneros de mamiferos