«Tigre» rendreza enta iste articlo. Pa atros emplegos d'a parola tigre se veiga Tigre (desambigación).
thumb|right|Video d'un tigre.
O tigre (d'o latín <tigris, , L. 1758)) ye un mamifero carnivoro d'a familia Felidae, sufamilia Pantherinae y chenero Panthera. En chunto con o suyo parient amanau o lión (Panthera leo), que adube midas semellants, ye una d'as dos especies de felidos mas grans.
Como as atras especies de panterins, ye un animal carnivoro y depredador. O tigre ye un animal solitario y en esencia forestal, exclusivo d'as selvas d'Asia, en as que chuga o papel de depredador culminal en o ecosistema. En tot l'aria de distribución d'a especie se contan dica 6 subspecies. Todas as suyas poblacions son en periglo d'extinción.
Fendo diferencia con atros miembros d'o chenero Panthera, o tigre tiene as tacas atavicas, que toz os felidos lievan en os chens, fusionadas tot fendo rayas verticals, en o que ye un d'os debuixos mas caracteristicos y reconoixibles d'a Naturaleza.
Zoonimia O zoonimo tigre ye documentau en as traduccions medievals a l'aragonés. En o "Libro d'el Trasoro" parlan d'os tigres con epigrafe propio:
En a versión aragonesa de "Breviarium ab Urbe condita" se comenta l'abundancia de tigres en l'antiga Hircania:
O zoonimo tigre ye un persismo que ha plegau a l'aragonés a traviés d'o griego y o latín. En persa antigo a parola tigra significaba "esmolau" y "agudo"; s'interpreta que deriva d'a radiz indoeuropea *steig-, con pareixiu significau. Edward A.Roberts: Diccionario etimológico indoeuropeo de la lengua española. Alianza Editorial, 2001. pp 170-171.
Descripción
A mida d'os tigres y belatras caracteristicas cambean d'una subspecie a una atra. En estau salvache, os tigres masclos tienen un peso que va dende 90 dica 306 Kg y una lonchitut d'entre 190 y 330 cm, en a cual s'incluye a coda<ref name=Sundarbanks> [http://www.thedailystar.net/news-detail-156957 Sundarbans tigers are the smallest in the world]</ref> Khan, M.K.M. (1986). Tigers in Malaysia. The Journal of Wildlife and Parks V: 1–23 Mazák, V. (1981). «Panthera tigris». Mammalian Species 152 (152): 1-8. doi:10.2307/3504004. que fa entre 60 y 110 cm. L'altaria en a cruz d'o lomo ye d'entre 61 y 122 cm. De medias, as fembras (as cuals tienen una mida prou mas menuda) fan entre 65 y 167 Kg y mesuran entre 177 y 225 cm de lonchitut total. Actualment a subspecie mas chica ye o tigre de Malaisia y a mas graniza o tigre de Bengala.
A mayoría de tigres tienen una coloración marrón-royisca u pardo-amarellisca, con a zona mas ventral (a tripa, as barbas y gorga, o papo y as tarrias) blancas u blanquinyosas. As rayas varían de color, dende marrón dica negra.
O numero y patrón d'as rayas ye una caracteristica exclusiva de cada individo, y no n'i hai dos iguals, por o que puede emplegar-se pa identificar-los. A densidat y l'amplura d'istas rayas sí que tiende a estar propia d'a subspecie y población: por eixemplo, as poblacions mas meridionals (Malaisia, Indonesia) tienden a tener mas rayas y mas finetas, mientres que o tigre de Siberia as tiene menos numerosas pero mas amplas.
Subspecies Panthera tigris y as suyas diferents subspecies:Panthera tigris altaica, tigre siberiano.Panthera tigris balica †, tigre de Bali, extinto dende 1937.Panthera tigris amoyensis, tigre d'o sud d'a China.Panthera tigris corbetti, tigre d'Indochina.Panthera tigris jacksoni, tigre malayo.Panthera tigris sondaica, tigre de Chava †, extinto dende 1979.Panthera tigris sumatrae, tigre de Sumatra.Panthera tigris trinilensis, tigre de Trinil, especie fósil d'arredol d'1,2 millons d'anyos que se piensa que ye l'antipasau de todas as subspecies de P. tigris actuals.
Referencias
Se veiga tamién Panthera. Pantherinae. Panthera onca''. Tigre (desambigación).
Vinclos externos
* Panthera tigris Panthera tigris