Lorenzo Alocén Castán, naixiu de Zaragoza (Comarca Central, Aragón) o 4 de noviembre de 1937 y muerto lo 18 de chinero de 2022 en Barcelona (Catalunya, Espanya), Raquel Machín: Muere Lorenzo Alocén, autor de la autocanasta que cambió las reglas del baloncesto, en El Periódico de Aragón, 18 de chinero de 2022. conoixiu esportivament como Lorenzo Alocén, estió un chugador de basketbol que chugaba en a posición de pívot y que estió internacional con a selección espanyola 69 vegadas, con a que partecipó en os Chuegos Olimpicos de 1968, y en os EuroBasket de 1961 y 1969. Individualment cal destacar que estió lo maximo anotador d'a Liga Española de Baloncesto en l'anyada 1964/65.
Tot y con a suya baixa estatura pa un pívot en l'actualidat, estió un gran chugador dominant entre os pívots d'Espanya, pero ye recordau per una autocanasta realizada en un partiu con o Real Madrid que obligó a la FIBA a cambiar una norma d'o basketbol.
Ye pai de cinco fillos que chugaron a basketbol, entre os que cal destacar a Oscar Alocén, qui chugó con o Licor 43 en l'ACB.
Trachectoria esportiva Principió a chugar a basketbol a una edat tardana; cuan teneba 21 anyos conoixió a Antonio Burillo, basketbolista d'o CN Helios y li convenció ta chugar a basketbol en a sección de basketbol d'o CN Helios. Con iste equipo puyó ta a Liga Nacional y como seguntes os estatutos d'o club no podeba tener seccions profesionals, cedió la suya plaza a lo Real Zaragoza, qui fació un equipo ta partecipar con gran parti d'os chugadors d'o CN Helios. O Real Zaragoza no aconsiguió mantenerse en a categoria y fichó por a sección de basketbol d'o Real Madrid, a on aconsiguió ganar dos ligas y una copa y ye recordau per una autocanasta realizada en un partiu contra lo Pallacanestro Varese que obligó a la FIBA a cambiar una norma d'o basketbol. A muerte de su pai fació que tornase a Zaragoza y chugase en o CN Helios, equipo con qui tornó a chugar en a maxima categoria espanyola por a cesión d'a licencia d'o Tritones y con qui aconsiguió estar o maximo anotador d'a liga. O CN Helios un anyo dimpués renunció a continar en a liga y fichó por o Picadero Jockey Club que li permitió la posibilidat de continar en a maxima categoria d'o basketbol espanyol. En Barcelona con o Picadero aconsiguió una copa y un segundo puesto en a liga, pero iste equipo desapareixió y fichó por o Círcol Catòlic de Badalona, a on terminó la suya carrera esportiva.
Autocanasta En a temporada 1961-1962, Alocén chugaba en o Real Madrid, y mientres ista suya primera temporada en l'equipo madrilenyo, o 18 de chinero de 1962 Alocén estió protagonista d'una d'as chugadas mas famosas d'a historia d'o basketbol, una autocanasta suya contra lo Pallacanestro Varese.
En un tiempo muerto a petición de Pedro Ferrándiz, dió dentrada a Alocén que ya yera alicionau d'o que heba de fer; Alocén recibió la pilota y la ficó en a suya propia canasta mientres os demás chugadors d'o suyo equipo li reprochaban de forma visible pa que los arbitros no interpretasen que yera una chugada premeditada sino que yera fruto d'a tension y d'os nervios y que Alocén s'heba entivocau de canasta. Ista canasta trencaba a igualdat en o partiu, que con un empate s'iba a fer una prorroga y a lo Madrid no li intresaba perque teneba chugadors cargaus y eliminaus por faltas personals amás de Hightower con problemas fisicos, estando o resultau final d'o partiu Varese, 82; Real Madrid, 80. En o partiu de tornada, chugau en o Frontón Fiesta Alegre, se remontó la eliminatoria y lo Madrid chugó la final d'a Copa d'Europa de basketbol.
Ista chugada obligó a la FIBA a cambiar o reglamento d'o basketbol.
Equipos 1959-1960: CN Helios 1960-1961: Real Zaragoza 1961-1963: Real Madrid 1963-1965: CN Helios 1967-1973: Picadero Jockey Club 1973-1974: Círcol Catòlic de Badalona
Amás amás estió internacional con a selección masculina de basketbol d'Espanya 69 vegatas, destacando-ne las partecipacions en os Chuegos Olimpicos de 1968, y os Eurobasquetz de 1961 y 1969.
Palmarés 2 Ligas d'Espanya: temporadas 1961/62 y 1962/63, con o Real Madrid. 2 Copas de Espanya: temporadas 1961/62, con o Real Madrid, y 1967/1968 con o Picadero. Maximo anotador d'a Liga Española de Baloncesto en a temporada 1964-65 con o CN Helios.
Referencias
Vinclos externos Estadisticas de Lorenzo Alocén en os Chuegos Olimpicos. Entrevista a Lorenzo Alocén en o Periodico d'Aragón,
Categoría:Basketbolistas d'a selección masculina de basketbol d'Espanya Categoría:Basketbolistas d'Aragón Categoría:Basketbolistas d'Aragón en os Chuegos Olimpicos de 1968 Categoría:Basketbolistas d'o Centro Natación Helios Categoría:Basketbolistas d'o Círcol Catòlic de Badalona Categoría:Basketbolistas d'o Club Baloncesto Zaragoza Categoría:Basketbolistas d'o Picadero Jockey Club Categoría:Basketbolistas d'o Real Madrid Categoría:Muertos en Barcelona Categoría:Naixius de Zaragoza Categoría:1937 (naixencias) Categoría:2022 (muertes)