Featherdale Wildlife Park ye un zoo australiano situau en Doonside (Sydney), amán d'a localidat de Blacktown Ye especializau en a fauna nativa australiana y en aus, asinas como en reptils y marsupials.
Historia Situau en un terreno de siet acres de superficie propiedat de Charles y Marjorie Wigg, qui mercoron en 1953 lo que ta par d'alavez yera una grancha avicola, Featherdale Wildlife Park ubrió as suyas puertas en 1972, cuan o suyo yerno Bruce Kibbare, qui heba estudiau zoolochía, decidió fer un vivero ta plantas y árbols nativos australianos en o que i pudieran vivir tamién animals autoctonos. Cuasi habió de zarrar en l'anyo 1975 debiu a una recalificación d'os terrenos a on que se trobaba ta fer viviendas publicas, encara que a decesión fue a la fin revocada por o primer ministro de Nueva Galas d'o Sud Sir Robert Askin.
Actualment ye propiedat de Elanor Investment Group, grupo tamién propietario de atras instalacions relacionadas con o turismo. O parque ye equipau con un anfiteatro y desenvolica un programa dito "The Learning Burrow", que educa y informa sobre os animals. Ye una important atracción turistica no nomás en Sydney occidental, sino tamién en Nueva Galas d'o Sud y en toda Australia.
Featherdale ganó o premio a la millor Gran Atracción Turistica (Major Tourist Attraction award) en os anyos 2005 y 2009. Muitos famosos como Leonardo DiCaprio, Gwen Stefani, Kristen Stewart, Taylor Lautner, Robert De Niro, Matt Damon, Dave Grohl u Smokey Robinson han vesitau o parque.
Referencias
Vinclos externos
Categoría:Sydney