Ugo Frigerio naixiu de Milán (Ciudat metropolitana de Milán, Reino d'Italia) o 16 de setiembre de 1901 y muerto en Garda (Provincia de Verona, Italia) o 7 de chulio de 1968, fue un atleta italiano especializau en a preba de marcha atletica.
Frigerio destacó como marxador de nivel mundial y entre as suyas competicions cal destacar que partecipó en tres Chuegos Olimpicos ganando medallas en os tres. A suya primera participación fue en os Chuegos Olimpicos de 1920 a on aconsiguió dos medallas d'oro en as prebas de 3 y 10 km marcha, en os siguients Chuegos nomás bi habió una preba de marcha, os 10 km marcha, en os que tamién aconsiguió repetir a suya anterior victoria y a respectiva medalla d'oro. En os Chuegos Olimpicos de 1928 no habió prebas de marcha por o que tenió que esperar dica os Chuegos de 1932 ta tornar a partecipar, ista vegata a preba de marcha yeran os 50 km marcha a on Frigerio aconsiguió o tercer puesto y a medalla de bronce.
Treballaba como tipografo pa La Gazzetta dello Sport y en l'anyo 1934 escribió a suya autobiografía titulada Marciando per l’Italia, en o cual Musolini escribió la introducción, dimpués d'a suya retirada esportiva emprendió un negocio de fabricación de quesos. Ugo Frigerio, marciando nel nome dell’Italia.
Referencias
Vinclos externos Ugo Frigerio en os Chuegos Olimpicos.
Categoría:Atletas d'Italia en os Chuegos Olimpicos de 1920 Categoría:Atletas d'Italia en os Chuegos Olimpicos de 1924 Categoría:Atletas d'Italia en os Chuegos Olimpicos de 1932 Categoría:Marchadors d'Italia Categoría:Medalla d'oro en os Chuegos Olimpicos Categoría:Medalla de bronce en os Chuegos Olimpicos Categoría:Muertos en a provincia de Verona Categoría:Naixius de Milán Categoría:1901 (naixencias) Categoría:1968 (muertes)