O río Whau (en anglés Whau River) ye un estuario (mas que no un río propiament dito) a o sud-ueste d'a badía de Waitematā, en l'aria metropolitana d'Auckland en Nueva Zelanda. Fluye enta o norte 5,7 km dende o suyo naiximiento en o forcallo entre o barranco d'Avondale y o barranco de Whau y a suya desembocadura entre a peninsula de Te Atatu y a luenga y fina peninsula de Rosebank en Avondale. Tien 800 m en a parti mas ampla y 400 m en a mas estreita d'a suya desembocadura.
O estuario s'estendilla arredol d'os vicos de Glendene y Kelston, entre Auckland City a l'este y Waitakere City a l'ueste. Tien un chicot afluent por o sud-ueste, o Wairau Creek. A marea puya por o Wairau Creek dica Sabulite Road en Kelston, y por Rewarewa Creek dica Clark Street y Wolverton Road en New Lynn. The Whau: Our Streams, Our River, Our Backyards. Waitakere City Council. Mackay, Jo. 2001 L'aria d'a desembocadura d'o estuario ye protechida legalment aintro d'a Reserva Marina de Motu Manawa (Pollen Island).
O río Whau River recibe o suyo nombre d'un árbol nativo, o whau (Entelea arborescens).
Referencias
Whau