Lo sufixo -esa deriva de lo sufixo griego atono -ισσα , -issa, que fue adaptau en latín tardano en a forma -issa como tonico por tener dos consonants seguidas dimpués de la penultima vocal. David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 pp 235-236 ISBN 8424923391, 9788424923396. En la suya evolución ta las luengas romances occidentals cambió la i por e d'acuerdo con la evolución vocalica en lo sistema vocalico de lo latín vulgar, y se presenta en aragonés como -esa. La forma orichinal de lo sufixo en latín -ISA se troba en cultismos: profetisa, Vidas semblants. Cronica de los Conquiridors poetesa, pitonisa.
No s'ha de confundir lo sufixo -esa de dignidat femenina con la forma femenina de lo sufixo formador de chentilicios -és derivau de lo latín -ENSIS: aragonesa, leyonesa.
Eixemplos d'emplego En aragonés medieval se documenta: Abadesa. Bailesa. Contesa. Deesa / diosesa. Duquesa. Maestresa. Monarquesa. Princesa. Ye un probable galicismo por estar lo femenino de prince y no de princep. Sacerdotesa.
Bi ha cierta competencia con lo sufixo -driz en las traduccions medievals: idolatresa en lo "Libro de los Emperadors" y idolatriz en lo "Libro de Marco Polo", emperadoresa como galicismo en lo "Libro de las Marabillas de lo Mundo" y emperadriz en cheneral en los textos medievals.
En las parlas altoaragonesas actuals se documenta: Alcaldesa. Guardiesa. Mairalesa. Xavier Tomás Arias: El aragonés del Biello Sobrarbe. Instituto de Estudios Altoaragoneses, 1999. p 265. En la parla de bella val como Chistau lo sufixo -esa s'anyade a lo nombre de la casa como denominación aplicada a cadaguna de las mullers d'ixa casa: Chaimesa, Casanovesa, BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 154, p 184. etcetera.
Comparanza con atras luengas romances Una de las luengas romances a on que mes s'emplega este sufixo ye en francés, sobre tot en femeninos irregulars de palabras que acaban en -e en masculín: Ortografía francesa. Larousse Editorial, S.A, 1999., pp 56-59. Abbé > abbesse. Âne > ânesse. Bonze > bonzesse. Bougre > bougresse. Chanoine > chanoinesse. Comte > comtesse. Diable > diablesse. Druide > druidesse. Hôte > hôtesse. Maître > maîtresse. Ogre > ogresse. Pape > papesse. Prêtre > prêtresse. Prince > princesse. Tigre > tigresse. Vicomte > vicomtesse. Poète > poétesse. Prophète > prophétesse. Chef > cheffesse.
Mesmo en adchectivos substantivables y chentilicios: Drôle > drolesse. Mulâtre > mulâtresse. Nègre > negresse. Pauvre > pauvresse. Sauvage > sauvagesse. Suisse > suissesse. Traître > traîtresse.
Bi ha substantivos acabaus en -eur que tienen femenins en -esse formando secuencias -eresse y -oresse: Bailleur > bailleresse. Chasseur > chasseresse (nomás que en contextos mitolochicos como Diane chasseresse). Défendeur > défenderesse. Enchanteur > enchanteresse. Pêcheur > pêcheresse. Vengeur > vengeresse. Docteur > docteresse.
Referencias
Bibliografía David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396. Xavier Tomás Arias: El aragonés del Biello Sobrarbe. Instituto de Estudios Altoaragoneses, 1999. Gramática francesa: Larousse Editorial, S.A, 2000. Ortografía francesa: Larousse Editorial, S.A, 1999. Jesús Cantera y Eugenio de Vicente: Gramática francesa. Editorial Cátedra, S.A., 1999.
Esa