Drew Blyth Barrymore, naixida de Culver City (California) lo 22 de febrero de 1975, ye una actriz y productora cinematografica estausunidense, que prencipió la suya carrera cinematografica en os anyos 1980 y que ha recibiu cuantos premios por o suyo treballo. Ye filla de l'actor John Drew Barrymore y fa parte d'a familia Barrymore, con muitos miembros vinculaus a lo mundo d'o cine.
D'entre la suya filmografía como actriz, pueden destacar-se bellas cintas a on ha treballau, como E.T. the Extra-Terrestrial (1982, Steven Spielberg), Poison Ivy (1992, Katt Shea), Bad Girls (1994, Jonathan Kaplan), Batman Forever (1995, Joel Schumacher), Scream (1996, Wes Craven), 50 First Dates (2004, Peter Segal), Big Miracle (2012, Ken Kwapis), u The Stand In (2020, Jamie Babbit).
Premios En 1983, mientres a 36ena edición d'os Premios BAFTA, recibió una nominación a lo Premio BAFTA a la Millor Estrela Emerchent por a suya interpretación en E.T. the Extra-Terrestrial, dirichida por Steven Spielberg.
En 1985, en a 42ena edición d'os Premios Globos d'Oro fue nominada a lo Premio Globo d'Oro a la Millor Actriz Segundaria por o suyo papel en a cinta Irreconcilable Differences, dirichida por Charles Shyer.
En 1993, mientres a 50ena edición d'os Globos d'Oro, recibió una nominación a lo Premio Globo d'Oro a la Millor Actriz en Miniserie de Televisión u Telefilm por o suyo treballo en o telefilm Guncrazy, dirichiu por Tamra Davis.
L'anyo 2010, en a 67ena edición d'os Premios Globos d'Oro, ganó lo Premio Globo d'Oro a la Millor Actriz en Miniserie de Televisión u Telefilm por a suya interpretación en Grey Gardens, un telefilm dirichiu por Michael Sucsy.
Se veiga tamién Cintas interpretadas por Drew Barrymore. Cintas producidas por Drew Barrymore.
Vinclos externos
Drew Barrymore en Internet Movie Database.
Categoría:Actrices d'Estaus Unius Categoría:Naixius de Culver City Categoría:Nominadas a lo Premio BAFTA a la Millor Estrela Emerchent Categoría:Nominadas a lo Premio Globo d'Oro a la Millor Actriz en Miniserie de Televisión u Telefilm Categoría:Nominadas a lo Premio Globo d'Oro a la Millor Actriz Segundaria Categoría:Premio Globo d'Oro a la Millor Actriz en Miniserie de Televisión u Telefilm Categoría:Productors cinematograficos d'Estaus Unius Categoría:1975 (naixencias)