O topCon a variant topo, taupaCon a variant tauba u tabonero común BALLARÍN CORNEL, Ángel: Diccionario del benasqués; Zaragoza, 1978. Consultable en linia a traviés de Diccionario del benasqués. Consultau o 5 de setiembre de 2018. VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera. Zaragoza 2004. . TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999. QUINTANA i FONT, Artur, El Aragonés nuclear de Nerín y Sercué (Valle de Vio); Gara d'Edizions. Zaragoza, 2007. Nombre mas caracteristico en Ribagorza. Con as variants tobonero y toponero en Sobrarbe ( (LINNAEUS, 1758)) ye un mamifero insectivoro clasificau en a orden d'os soricomorfos y a familia d'os talpidos.

A especie se conoix mas que mas por vivir debaixo de tierra, en matriqueras profundas y intrincadas que construyen ellos mesmos y que se dicen topineras, y por tener una fisionomía adaptada a una forma de vida tan peculiar.

Descripción O top ye un mamifero soricomorfo d'entre 12 y 20 centimetros de largaria, con una coda peluda de 3 cm mas. O pelo ye negro, preto, fino, que chunto con un pellizo flexible le sirve pa arrocegar-se por adintro d'as topineras y a la vegada poder retacular sin fer-se estorbo.

Tiene as zarpas debanteras adaptadas pa esgarrapar y tunelar a tierra. As mans son enormes, sin pelo, con cinco didos robustos chunius con a piel, entre os cuals denguno ye oposable, y as unglas son recias y creixen contino. As patas debanteras que as aguantan son muit curtas, firmes, y s'articulan cuasi de tot debaixo d'a piel; os codos son chiraus de forma que as zarpas siempre tienen a palma mirando ta dezaga, y os huembros son muit fuertes, con homoplatos firmes y devantaus a on que se refirma os musclos.

A capeza ye gran, sin orellas vistables (pos no tiene pabillón auditivo externo) y uellos amagaus entre o pelo. Ye cuasi ciego, anque tiene un tacto y un olfacto finismos que le sirven pa arribar dica a on que son as presas.

Hermafroditismo Os tops, de conchunta con atras especies d'o chenero Talpa, son os solos mamiferos en os que s'haiga descrito un hermafroditismo. Enciclopedia virtual de los vertebrados españoles, consultada o 5 de setiembre de 2018. Anque existen os masclos y son fértils, as fembras tienen tamién un teixiu testicular en l'aparato reproductor que no les sirve pa auto-fecundar-se pero sí produz grans cantidaz de testosterona en cualques fases d'o ciclo anyal.

As fembras tienen una forma especial de gonadas que se diz ovotestis, y que no son ovarios ni testiclos propiament ditos. A parte femenina ye perfectament funcional, y en o periodo reproductor de l'anyada s'emplena d'ovocitos y libera hormonas femeninas como cualsiquier ovario de mamifero. Manimenos, sacando ixa temporada, a resta de l'anyada predomina o comportamiento masculino en as gonadas y o teixiu proto-testicular se desenvolica y libera testosterona en cantidaz parellanas a las d'un masclo. Os tubulos seminiferos son disfuncionals en as fembras, y as celulas de Sertoli tienen forma embrionaria, por o que no pueden fer espermatochenesi.

Habitat thumb|right|250px|Un topinal ye un campo u prau que os tops malmeten a base de fer-le topineras. O top amenista suels profundos pa fer as topineras. Habita dende o livel d'a costa dica 2.000 mslm en o Pireneu. Se miran d'evitar os suels acidos, a on que no se troba ni tansas lombrices que son a suya presa principal.

No les fan goi os fenals ni os vivers, por a tierra grasa, a on que l'augua embadina os túnels, ni os suels secos, arenosos, cascallos u de mal excavar pa que s'aguanten as matriqueras. Son abundants en altarias meyas, entre os 1.000 y 1.500 metros sobre o livel d'a mar, en o suelo de praus y uebras de tierra medianament suelta y sazonosa, en os que i sían abundants as presas.

Distribución O top habita dende o sud d'Anglaterra dica os ríos Oby y Irtysh, en Siberia, y dende o sud de Suecia dica o norte d'Italia en Europa occidental.

En a Peninsula Iberica se'n puede trobar en terrens que le sían favorables por tot en Catalunya, en Aragón y en Navarra y País Basco, pero en a baixant occidental d'o Sistema Iberico se fa poquet a poquet mas escaso, con presencia documentada en as provincias de Soria y Burgos lo mas ta ponient. En a Meseta norte y en as cordeleras que se troba mas ta occident o suyo puesto l'ocupa o suyo parient Talpa occidentalis.

Imáchens

Notas

Referencias

Se veiga tamién Top. Topinera. Topinal. Talpidae. Soricidae.

Vinclos externos

Categoría:Mamiferos d'Aragón Europaea Categoría:Fauna d'Europa Categoría:Fauna d'Asia Categoría:Fauna d'os Pireneus Categoría:Taxons nombraus por Carl Linnaeus