As penyas de Ferrera (en castellano Peñas de Herrera Tarazona y el Moncayo, Red natural de Aragón n°7, Editorial Prades, 2006, , p.47) son cuatre rocas macizas y anglosas situadas de norte a sud en o cabalto d'una loma d'a sierra de Moncayo (Sistema Iberico) a l'ueste d'este mont. D'antis mas bi heba un glaciar que erosionó a suya parti mas feble deixando actualment destacada a parti rocosa respecto d'a resta d'o terreno.
Altaria L'altaria d'a penya mas altera, dita Picarrón ye de 1.591 metros y sirve de sinyal ta a muga entre as localidaz de Talamantes, Anyón de Moncayo, Calcena y Purullosa; as atras tres penyas restants tienen unas altarias de 1.542 m (Penya d'el Camino), 1.462 m (Penya d'Enmedio) y 1.347 m (La Gotera) respectivament.
Toponimia Por estar muito visibles y tener importancia estratechica, as penyas de Ferrera ya se nombran en textos medievals aragoneses u navarros como por eixemplo en 1232 cuan Chaime I d'Aragón entregó uns castiellos a Sancho VII de Navarra:
En a "Cronica de los Conquiridors" tamién nombran estos releus:
Cheolochía As penyas de Ferrera son o producto d'erosionar-se y trencar-se un livel sedimentario de calsineras churasicas que fan part d'una siella anticlinal con materials triasicos en o nuclio. Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33
Fauna En as parez d'as cuatre rocas que forman as penyas habitan alicas, vueitres y cuervos; en a plana baixo as rocas bi ha llebres, corzos, chabalins y rabosas.
Flora En as zonas mas baixas d'as penyas mos trobaremos con paisaches de carrascas y caixicos; a mesura que puyamos iremos veyendo como van desapareixendo os árbols y apareixen os arbustos como o fenullo (Foeniculum vulgare), o tremoncillo (Thymus vulgaris), o romero (Rosmarinus officinalis), a xordiga (Urtica), a menta (Mentha) y o espícol (Lavandula angustifolia). Tamién podemos veyer bella planta caracteristica d'ista zona de Moncayo como ye a vetiquera (Clematis vitalba), a ixalagra (Mentha longifolia), a gallineta (Dactylorhiza elata), a senera (Amelanchier ovalis) y o tulipán silvestre (Tulipa sylvestris).
Puyada O recorriu ye sinyalizau con marcas de pintura roya y blanca que mos levarán a la cima d'as Penyas. Dimpués de pasar l'armita de Sant Miguel, hemos de prener un sendero dirección ueste que mos levará a o barranco de Val de Ferrera. O sendero mos leva dica un cuello entre dos d'as Penyas de Ferrera, dende a on ye muit fácil puyar a la mas baixa y disfrutar d'o espectacular paisache.
O trachecto dura bellas cuatre horas y meya alto u baixo. Se gosa puyar-ie en a epoca que va d'abril a agosto.
Referencias
Se veiga tamién Castiello de Ferrera. Castiello de Ferrellón.
Vinclos externos Sistema Iberico en "Montipedia" Puyada a Penyas de Ferrera En "Mendikat"
Ferrera Ferrera Ferrera Ferrera