La sierra d'Armantes ye un sierra de la branca aragonesa de lo Sistema Iberico Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995. p 141. que se situa en la depresión de Calatayú entre la sierra de la Virchen a l'este, la sierra d'Ateca a l'ueste y Xalón a lo sud. La superficie de la sierra d'Armantes perteneixe a los municipios de Cervera de la Canyada, Torralba de Ribota, Calatayú, Terrer y Ateca, toz en la Comunidat de Calatayú.
Altarias Las principals altarias son la Mesa d'Armantes (973 m), la Cruz d'Armantes (966 m), Los Castillos (929 m), Manyo Manyo (917 m), y lo cerro de la Cruz (894 m).
Toponimia L'oronimo sierra d'Armantes proviene de lo despoblau d'Armantes, situau en los termins municipals d'Ateca y Cervera de la Canyada.
Hidrografía La versant nord-este de la sierra desaugua enta la rambla de Ribota, la versant sud-ueste lo fa enta lo río Manubles, la versant sud lo fa enta Xalón, representando la sierra d'Armantes lo interfluvio entre las vals de los ríos Manubles y Ribota.
Cheolochía Abundan los chesos y las lutitas. Eduardo Viñuales Cobos: Red Natural de Aragón. Comunidad de Calatayud nº 17. Gubierno d'Aragón, Sodemasa, Prames, 2007, pp 112-119. A diferencia d'atras sierras de la redolada, la sierra d'Armantes ye la sola que tiene materials d'edat cenozoica en lo cabalto. La sierra s'ha iu formando por erosionar-se los materials sedimentarios cenozoicos que heban plenau enantes la depresión de Calatayú (vuidau erosivo), persistindo millor los materials que se situan mes luent u equidistants de los achents erosivos, ye a saber, los ríos Xalón, Manubles y Ribota.
Los estratos cenozoicos de la sierra d'Armantes tienen capuzamientos cuasi horizontals, lo que permite la formación de plataformas estructurals. En bel puesto la erosión hay creyau cinglos y ripas, como chunto a la rambla de Ribota un poco auguas ent'alto de la pedanía de Ribota.
Lo cabo sudoriental en contacto cerca de Calatayú presenta frontons y corresponde a toponimos como cuesta de los Frontones y corrales del Frontón.
Referencias
Bibliografía MUÑOZ JIMÉNEZ, Julio, SANZ HERRÁIZ, Concepción: Guía Física de España. 5 Las Montañas. Alianza Editorial, 1995. VIÑUALES COBOS, Eduardo: Red Natural de Aragón. Comunidad de Calatayud nº 17, 2007. ECHEVARRÍA ARNEDO, María Teresa: El relieve de la Comunidad de Calatayud, adintro de lo libro Comarca de la Comunidad de Calatayud. Colección territorio, nº 20, 2005.
Armantes *