Ganyarul (en castellano Gañarul) ye un lugar deshabitau situau en l'actual termin municipal d'Agón, en a comarca d'o Campo de Borcha, en a provincia de Zaragoza, Aragón.
Toponimia O toponimo Ganyarul ye d'orichen desconoixiu. Ha teniu diferent nombres: Gaynnalur en 1243, Ganyallur en 1317, Gainnallur en 1429, Gaynnalur en 1562, Ganyarul dende 1562 dica l'actualidat. A sola cosa que se puede concluyir ye que bi ha habiu una metatesi d'alviolars l y r, Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, p. 108. por o que a forma orichinal teneba una terminación pareixida a Gallur.
Historia A primera noticia d'o puesto data d'o sieglo XIII, cuan o suyo propietario Sancho d'Antillón pleiteya con Magallón por cuestions de mugas.
thumb|carrera Armingol en Ganyarul
Dende finals d'o sieglo XIV dica o XVIII perteneixió a la familia d'os Cerdán de Magallón. A meyaus d'o XVIII amaneixen como propietarios os Bea, que procedents de Vera de Moncayo s'asentoron en Ganyarul. Manuel Gracia Rivas:Diccionario Biografico de personas relacionadas con los 24 municipios del antiguo Partido Judicial de Borja, tomo I. Centro de Estudios Borjanos, , p. 185 En 1965 feneixió sin descendencia a zaguera sinyora de Ganyarul donya Mercedes Bea. Ella donó Ganyarul a la Companyía de Chesús que manimenos no acceptó a donación. Dende alavez principia a suya decadencia y abandono.
En 1992, dimpués d'unas plevidas torrencials, un vecin de Magallón clamau Javier Pellicer trobó en a redolada lo clamau Bronce d'Agón, un texto d'a epoca de l'Imperio Romano referiu a las ordinacions en o regano entre Gallur y Mallén.
Demografía
Evolución demografica Catálogo de pueblos y municipios de Aragón. Estadística de población y nomenclaturas toponímicas entre 1900 y 2004, Gubierno d'Aragón, 2005, , p.219 1900 1910 1920 1930 1940 1950 1960 1970 1981 1991 2001 2006 2010 2014 55 51 31 36 25 20 22 0 0 0 0 0 0 0
Puestos d'intrés Encara quedan restas d'o palacio d'o sinyor antimás de una carrasca centenaria en o suyo chardín. Ista carrasca tien una altaria de 15 m, 1 metro de diametro de tronco y 3,1 metros de perimetro. Campo de Borja. Red Natural de Aragón. Ed. Prames, 2009, p. 57 alt=Carrasca de Ganyarul|miniaturadeimagen|Carrasca de Ganyarul y a casa d'o sinyor d'o lugar alt=Carrasca de Ganyarul|miniaturadeimagen|Carrasca de Ganyarul
Atro molimento interesant ye a ermita de Ganyarul, a on que yera enronada a reina mora de Ganyarul.
Tot o lugar ye vuedo y se troba en un proceso de ruina progresiva y inexorable.
Referencias
Categoría:Despoblaus d'a provincia de Zaragoza Categoría:Lugars d'Agón Categoría:Localidaz d'a diocesi de Tarazona en o Campo de Borcha