A Universidat Laboral de Zaragoza ye un edificio situau en Zaragoza, seu d'ista antiga institución en a ciudat. Fue establida en l'anyo 1967 estando una d'as 21 antigas universidaz laborals d'Espanya. Tien una superficie de 20 hectarias situadas en o poligono industrial de Malpica, a una distancia de 11 kilómetros d'o centro d'a ciudat.
Historia Establida en 1967, un día dimpués d'a inauguración d'a Universidat Laboral de Uesca, a Universidat Laboral de Zaragoza estió a primera universidat laboral femenina d'o Estau Espanyol La Universidad Laboral de Zaragoza cumple 50 años en el olvido. Heraldo de Aragón. 20 de noviembre de 2017. Prencipió a suya actividat dos días antes d'estar inaugurada con 1.200 alumnas en as suyas aulas procedents en a suya mayoría d'Aragón, Catalunya y o País Valenciano. En os suyos millors tiempos arribó a tener dica 3.500 alumnos y 300 profesors.
A suya construcción se fació en menos de 7 meses, prencipiando o 13 de marzo de 1967 y rematando o 29 d'octubre d'ixe mesmo anyo, y fue dirichida por l'arquitecto zaragozano Manuel Ambrós Escanellas que contaba con un presupuesto de 257 millons de pecetas. Tamién colabororon o pinto y escultor Javier Clavo y a filla de l'arquitecto, Pilar Ambrós Barrau, qui fació pa o nuevo centro un Via Crucis de cerámica. En 1968, Ambrós ganó o Trofeo Ricardo Magdalena a Edificios Públicos por o suyo treballo en a Universidad Laboral Femenina.
O conchunto s'enampló 1970 con unas obras por valor de 155 millons de pecetas, convertindo-se en un centro mixto. Ya en a decada de 1980 as universidaz laborals se transforon en Centros d'Amostranzas Integradas (en castellano Centros de Enseñanzas Integradas) y pasoron a pender d'o Ministerio d'Educación y Ciencia.
Manimenos dende a 1997 La antigua Universidad Laboral cumple 50 años de existencia. El Periódico de Aragón. 26 de noviembre de 2017 as suyas instalacions se troban tancadas dimpués de detectar-se problemas d'aluminosis que afectaban a la estructura d'os porches cubiertos. Actualment ye parcialment emplegada como almadazén por o Gubierno d'Aragón
Instalacions Cuan yera en funcionamiento as suyas instalacions feban que estase un d'os centros educativos millor equipaus d'Aragón. Bi heba 3 salons d'actos (tenendo o mas gran dica 1.300 butacas), una residencia de 12 plantas chunto a l'edificio central pa os estudiants foranos con cuasi 2.000 camas, cuantos pabillons d'aulas, cine, capiella, tabierna y apartamentos pa os profesors. Entre as instalacions esportivas se trobaba un pabillón polisportivo, una piscina cubierta climatizada, un estadio d'atletismo, cuantos campos de fútbol y de basketbol, pistas de tenis, voleibol y balonmán. A suya biblioteca teneba dica 37.000 volumens. A mas a oferta de instalacions se completaba con laboratorios de fisica, quimica, ciencias naturals y idiomas u tallers con maquinaria pa confección industrial entre atros.
Educación impartida Entre a oferta de graus impartius en a Universidat Laboral de Zaragoza destacan: Iniciación Profesional Industrial. Formación Profesional. Delineante (construcción y industrial). Química, Bachillerato Elemental. Bachillerato General Superior. Bachillerato Técnico Superior. Asistent social. Incheniería Tecnica (control de procesos quimicos). Confección. Machisterio.
Cheodesia Bi ha un vértiz cheodesico situau en a terraza de l'edificio mas altero a una altaria de 247 metros dende o livel d'a mar Fuella d'o vértiz cheodesico.
Referencias
Zaragoza Categoría:Educación en Aragón Categoría:Vertices cheodesicos d'Aragón