A puerta de Sant Ildefonso, tamién clamada postigo d'o Mercau u puerta d'a Tripería, yera una puerta situada en a muralla medieval de Zaragoza, chunto a o torretón d'a Zuda.
Historia De construcción arabe, per ella dentró en 1118 Alifonso I dimpués d'a conquiesta de Zaragoza. Como yera situada en l'extremo d'a carrera que levaba enta a Plaza d'o Mercau se conoixió dende o sieglo XV postigo d'o Mercau. Dimpués a o largo d'os sieglos en cambiar de nombre a carrera a on se i trobaba (l'actual avenida de César Augusto), a puerta pasó a conoixer-se como puerta Imperial u postigo d'Antonio Pérez. Vulgarment tamién yera conoixida como puerta d'a Tripería por vender-se en os suyos arredols espullos d'os animals provenients d'o matadero que bi heba en a carrera d'Escobar, amán d'aquí.
En o sieglo XVIII yera una puerta barroca con una imachen de Sant Ildefonso sobre un arco. Raquel Cuartero y Chusé Bolea Antiguas puertas de Zaragoza, Institución Fernando el Católico, Zaragoza, 2013, ,p.88
Yera trescuzada por as auguas repuyals que saliban d'o mercau, por o que en 1842 s'espaldó y se i fació una nueva de ladriello. A puerta se refació en estilo neomedieval en zaguerías d'o sieglo XIX.
Chunto a ista puerta bi heba un postigo, emplegau a sobén por os aguadors, que permitiba o paso de personas pa que baixasen a traviés d'una rampa enta l'Ebro. En iste mesmo puesto se trobaba una barca pa pasar a l'atro canto d'o río, conoixida en o sieglo XX como a barca d'o Tío Toni.
Debiu a la devantadera d'o Mercau Central, obra de Félix Navarro, en 1903 y d'o colector d'auguas repuyals, a puerta fue a la fin espaldada en 1904.
Referencias
Vinclos externos Puerta de Sant Ildefonso en o Blog antiguaspuertaszaragoza.wordpress.com
Sant Ildefonso Categoría:Edificios desapareixius de Zaragoza