A ilesia de Santa María d'o Temple yera una ilesia perteneixient a la Orden d'o Temple que se devantaba en l'actual carrera Temple n°20 de Zaragoza.
Descripción Yera una ilesia de planta circular en o suyo interior y planta octogonal en l'exterior. Teneba un altar dedicau a Sant Chorche y i yeran enronaus entre atros Gil Tarín, merino d'o rei Chaime II d'Aragón.
Historia A ilesia estió construyida en o sieglo XII pa estar usada per los templers. Dimpués d'a disolución d'a orden pasó a estar propiedat d'a Orden de Sant Chuan de Cherusalem (los clamaus hespitalers) en o sieglo XIV. En o sieglo XIX, dimpués d'a Desamortización de Mendizábal, estió usada como almagacén. Fue espaldada en as anyadas 1860 pa contruyir en o suyo puesto un edificio de viviendas.
Restas Mientres a renovación de l'edificio en 1991 se troboron restas d'a ilesia amás d'una domus romana d'o sieglo I sobre la cual heba estau construyida.GARCÍA MARIANO, La iglesia del Temple sale a la luz. (Heraldo de Aragón, 11 de diciembre de 1991).
Referencias
Se veiga tamién Templers en a Corona d'Aragón.
Temple Temple de Zaragoza Temple de Zaragoza Temple de Zaragoza Temple de Zaragoza Temple de Zaragoza Categoría:Orden d'o Temple en Aragón